يوم 25 يناير 2026 عملت Content Review لـ 26 شخص، ودول الـ 3 مشاكل الموجودة تقريبا في كل قطعة محتوى شفتها:

1- الـ Vanilla Content

المحتوى مش وحش، ومش حلو، المحتوى عادي.

المحتوى اتشاف مليون مرة قبل كدة، نفس الكلام، نفس الاسلوب.

المحتوى اللي من النوع ده بيسموه محتوى Vanilla، يعني Basic، ماتقدرش تقول عليه وحش، وماتقدرش تقول عليه حلو.

محتوى بيتوه في ظلام الانترنت ومحدش بيلاحظه، ولا بيؤثر في حد.

2- الـ Creativity

الله يسامحه اللي فهم الناس إن لازم تبقى مبدع وانت بتعمل محتوى!

المحتوى وسيلة لتوصيل رسالة معينة، وأحسن طريقة توصل بيها الرسالة بتاعتك هي انك تكون مباشر، وخصوصا لو فيه زحمة.

انت عايز تقول 15، قول 15، ماتقولش 3 في 3 + 6!

3- تعدد الأفكار

بلاقي ناس بتكتب 3 و 4 أفكار وكلهم افكار حلوة بس محشورين مع بعض!

وده على عكس الشائع بيضعف من تأثير المحتوى!

الصح انك تبني المحتوى على فكرة واحدة مركزية وادعمها بفكرتين تلاتة بشكل ثانوي.

وبس كدة …

المهم بعد ما خلصت الريفيوز، قررت اقدم ورك شوب اتكلم فيها عن أكتر 10 أخطاء خفية في المحتوي، وازاى ماتقعش فيهم تاني.

وبالفعل قدمت الورشة ودلوقتي تقدر تحصل عليها عشان اخيرا تخلي المحتوى بتاعك أقوي ويبيع أكتر …