fbpx

ملحوظة: هذا المقال عبارة عن شابتر مجاني من كتاب Content Marketing Principles، تقدر تحصل على الكتاب كامل من خلال اللينك ده.

 

فى المقال ده هنتكلم عن توزيع وترويج المحتوى (Content Distribution) بالتفصيل.

 

تفتكر لو شجرة وقعت في غابة، حد هيسمعها؟

 

بالتأكيد لا.

 

نفس الفكرة بالظبط في المحتوى.

 

لو عملت محتوى وماقولتش للجمهور إنك عملت المحتوى ده، ولا حد هياخد باله.

 

معظم المسوقين بالمحتوى في المجال بتاعنا فى مصر والوطن العربي، بيهتموا بخلق المحتوى (Content Creation)، وبتنسى أو بـ  تتناسي توزيع وترويج المحتوى (Content Distribution).

 

لو عملت محتوى حلو أوي بس محدش قراه أو ما وصلش لحد؛ يبقي ولا كأنه موجود أصلا!

 

طب يطلع ايه الـ Content Distribution ده؟ وبيتعمل ازاى؟

 

يلا بينا على التفاصيل …

 

يعني ايه Content Distribution؟

 

الـ Content Distribution عبارة عن استراتيجيات وطرق لترويج وتوصيل المحتوى للجمهور المستهدف لتحقيق أهداف المحتوى زي الترافيك والـ Brand Awareness وخلافه.

 

بالبلدي، الـ Content Distribution عبارة عن قنوات التوزيع اللي هتحط فيها المحتوى بتاعك عشان الجمهور المستهدف يشوفه ويتفاعل معاه ويعمله شير.

 

الموضوع مش عشوائي …

 

الفكرة مش انك تحط لينك المحتوى اللي علمته على الويب سايت في كل مكان وخلاص!

 

الموضوع ممنهج أكتر من كده!

 

لازم يكون فيه خطة مسبقة لتوصيل وتوزيع المحتوى في القنوات المناسبة، عشان المحتوى يروح في المكان الصح في الوقت الصح ويشوفه الناس الصح.

 

إذن:

 

لازم يكون في تكامل ما بين الـ Social Media Strategy وبين الـ Content Marketing Strategy.

 

وتكامل ما بين الـ Email Marketing Strategy وبين الـ Content Marketing Strategy.

 

و تكامل ما بين الـ SEO Strategy وبين الـ Content Marketing Strategy.

ايه ده يعني انا لازم ابقي فاهم في الحاجات دي؟

 

الإجابة اه، لازم تبقى فاهم كويس اوى طبيعة كل قناة من دول (السوشيال ميديا – محركات البحث وخاصة جوجل – الايميل).

 

التكامل ده مسئولية الـ Marketing Director في المقام الأول، أو بيني وبينك المفروض يكون مسئولية الـ COO اللي هو الـ Chief Content Officer بس أصلا اللي يسمعوا عن الوظيفة دى يمكن يتعدوا على الصوابع!

 

ماتقلقش في آخر الكتاب، عاملك فصل مخصوص لأدوار فريق المحتوى بالتفصيل.

 

طب ازاى اخطط لتوزيع المحتوى؟

 

اقولك ازاى …

 

ازاى تعمل خطة توزيع محتوى في 3 خطوات؟

 

عشان تعمل خطة لتوزيع المحتوى، لازم الاول تفهم نموذج اسمه The Hub and Spoke Distribution.

توزيع وترويج المحتوى

 

زي ما هو واضح في الصورة، النموذج بيقولك إنك يكون عندك Hub يعني مركز أو تجمع فيه كل المحتوى بتاعك، وعندك مراكز تانية توزع فيها المحتوى ده.

 

إذن:

 

1- لازم تحدد الـ Owned Content Platform يعني المكان الأساسي اللى تملكه الشركة واللى هينزل فيه المحتوى اللي هتعمله.

 

رأيي الشخصي إن المكان الاساسي اللي هتنشر فيه المحتوى بتاعك يكون إما ويب سايت، أو يوتيوب، أو كتب أو في أي مكان يكون ملكك وتقدر تتحكم فيه يعني يكون Asset زي ما شرحنا.

 

2- اختار من 3 لـ 5 قنوات تانية لتوزيع المحتوى بتاعك.

 

القنوات دي المفروض إنك اخترتها بالفعل، أو لو لسه هتختارها، راعي إن القنوات دي يكون متواجد فيها الزبون المحتمل بتاعك، ويكون مستعد إنه يسمع منك في القناة دي.

 

3- اعمل Channel Plan لكل قناة على حدة، أو لكل القنوات مع بعض …

 

الـ Channel Plan عبارة عن تخطيط للمحتوى اللي هينزل على كل قناة من القنوات اللي انت بتشتغل عليها.

 

واي Channel Plan لازم يكون فيها 4 عناصر أساسية، وهما:

 

1- الهدف المنشود من وراء القناة

2- مواضيع المحتوى

3- أنواع المحتوى

4- الـ Editorial Calendar

 

 

الـ 3 عناصر دول بشكل أساسي هما مكونات أي Content Distribution Plan.

 

بكده أكون خلصت أساسيات الـ Content Distribution ولكن الموضوع نفسه فيه تفاصيل كتيرة، والتفاصيل دى بيتم تحديدها حسب القنوات نفسها.

 

على سبيل المثال، لو الناس اللي انت مستهدفها موجودين في منتدى معين، لازم لك خطة عشان تروح لهم، وده مثال على قناة واحدة!

 

طب لو موجودين في موقع معين، هتعمل ايه؟ اكيد هتروح لهم عن طريق الـ Display  Advertising أو الـ Guest Blogging وغيرها من الاستراتيجيات اللي هنتكلم عليها دلوقتي …

 

استراتجيات توزيع المحتوى: الـ Content Syndication

 

الـ Content Syndication هو عملية نشر المحتوى الأصلي في ويب سايت تاني (Syndicated Partner) سواء كان كل المحتوى أو جزء من المحتوى.

 

مثلا انت كتبت قطعة محتوى على الويب سايت، تروح لمدونة زميلة أو منافسة أو مشهورة أو موقع اخباري، وتقول لها تاخد تنشر المحتوى عندها، ده هو الـ Syndication.

 

إذن عشان تعمل Syndication للمحتوى لازم تعمل شراكات واتفاقات مع مواقع ومدونات مشهورة – ذات صلة – أو منافسة أو زميلة أو اخبارية بشرط يكون الجمهور بتاعك بيدخل للمواقع دى.

 

وأول ما تنشر محتوى، تبعته كله أو جزء منه عشان يتم نشره عندهم.

 

الاتفاقات دي ممكن تكون ودية ومجانية، أو بفلوس.

 

بس دي مش الطريقة الوحيدة لعمل ل Syndication للمحتوى …

 

في حاجة اسمها Content Syndication Networks، ودي منصات شبه المنصات الاعلانية (جوجل والفيسبوك)، ولكن وظيفتها إنها تعمل ترويج لأي نوع محتوى (مقالات – فيديوهات …).

 

وطبعا المنصات دي بفلوس.

 

وبتشتغل عن طريق إنها بيكون عندها مجموعة من المواقع الكبيرة، انت بتروح للمنصات دي، وبتسجل عندهم، وأما بتنزل محتوى، هما بياخدوه ويحطوه في المواقع دي على شكل مقالات مباشرة أو مقالات ليها علاقة أو في Curated Post مخصوص.

 

للاسف في الوطن العربي، مفيش Content Syndication Networks، بس انا قلت اشرحها لك عشان تبقى عارف، إذ ربما الحال يتغير أو انت تشتغل في السوق الأجنبي.

 

طب انا مش عايز اعمل اتفاقات مع حد، ولا هاقدر ادفع لمنصات الـ Content Syndication، اعمل ايه؟

 

ممكن تستخدم لينكدإن – والسوشيال ميديا عموما – في عمل Syndication عن طريق نشر المحتوى الأصلي في لينكدإن وذكر إن المحتوى الأصلي نزل في الحتة الفلانية، ده Technique ده اسمه Cross-Posting.

 

الـ Content Syndication استراتيجية مهمة جدا لتوزيع المحتوى، ولكن مش الوحيدة …

 

استراتيجية التدوين الضيف أو الـ Guest Blogging

 

الـ Guest Blogging مش بس استراتيجية لتوزيع المحتوى، إنما أداة لزيادة الترافيك، وزيادة الـ Leads والمبيعات، وتحسين ترتيب موقعك في جوجل.

 

الـ Guest Blogging أو الـ Guest Posting عبارة عن كتابة محتوى في موقع آخر له علاقة بمجال موقعك، وعنده الجمهور المستهدف اللي انت عايزه.

 

حد يقول لى ده زي الـ Content Syndication صح؟

 

لا يا مفتح.

 

الـ Syndication نشر نفس المحتوى اللي انت فعلا نشرته على موقعك، إنما الـ  Guest Blogging عبارة عن كتابة نشر محتوى جديد تماما مانزلش عندك أبدا.

 

طب ازاى تطبق الاستراتيجية دي عشان تعمل توزيع للمحتوى؟

 

فيه 5 خطوات بسيطة لتطبيق الاستراتيجية دى، وهما:

 

  • حدد
  • تواصل
  • اكتب
  • انشر
  • روج

 

إلى التفاصيل!

 

1- حدد المواقع والمدونات اللي عايز تكتب عندها محتوى …

 

طب على أساس إيه بيتم تحديد المواقع دي؟

 

على أساس إن المدونة أو الموقع أو حتى قناة اليوتيوب اللي هتعمل عليه المحتوى عندها الجمهور المستهدف اللي انت عايز توصل له.

 

وطبعا حسب مدى قوة وتأثير ومدى انتشار المواقع دي.

 

طب توصل للمدونات أو المقالات دي ازاى اصلا؟

 

عن طريق إنك تكتب في بحث جوجل الجملة دي ” أكتب معنا “.

 

هيظهر لك عدد كبير جدا من المواقع، امسك كل موقع وشوف ليه علاقة بمجالك ولا لا، وهل عنده الجمهور المستهدف اللي انت عايزه ولا لا!

 

كمل لحد الصفحة رقم 10 في نتائج بحث جوجل، وهتلاقي مواقع تقدر تستفيد منها.

 

اعمل قائمة قصيرة من المواقع، وبعدين حدد من 3 لـ 5 مواقع نهائية تتواصل معاهم.

 

2- تواصل مع المواقع دي واعرض عليهم كتابة محتوى على موقعهم مجانا …

 

روح لكل موقع، وادخل شوف سياسات وشروط التدوين عندهم، وبالمناسبة سياسة قبول المحتوى من الحاجات اللي لازم تقييم المواقع المختلفة على أساسها.

 

اختار المواقع اللي فعلا مابتقبلش غير المحتوى المتميز.

 

3- تواصل معاهم وقدم طلبك …

 

الايميل اللي هتبعته للمواقع دي مهم دى في قبولهم إنك تدون معاهم، وده الشكل المناسب للموضوع ده:

 


السلام عليكم ورحمة الله وبركاته

 

انا فلان أعمل بالحتة الفلانية.

 

أنا متابع لموقعكم من فترة كبيرة.

 

ببعت لك الايميل ده دلوقتي عشان انا حابب جدا أكتب عندكم.

 

بالفعل كتبت موضوع يتمحور حوالين (…).

 

والجمهور هيستفيد منه:

 

1-

2-

3-

 

انا قريت كل الشروط والملاحظات وسياسات النشر عندكم، وتم مراعاة جميع الشروط.

 

عشان برضو تشوف مستوى وجودة المحتوى، ادخل على موقعنا (لينك الموقع).

 

ده لينك المحتوى اللي عايز انشره عندكم.

 

تحياتي لك ^^


 

دي تمبلت بسيطة، تقدر تعدلها أو تكتبها باسلوبك، المهم تكون اخدت بالك من الطريقة، والعناصر اللي قلتها.

 

4- اكتب قطعة المحتوى …

 

راعي إن المحتوى اللي هتنشره يكون عالي الجودة وماحصلش، مش معنى إنه مش على موقعك إنك تعمل أي حاجة.

 

اكتب أحسن حاجة عندك، والنتيجة هتكون جبارة.

 

حدد موضوع مشهور والناس عايزه، بس اعمل محتوى مختلف ومتميز عن كل المحتوى الموجود.

 

5- اعمل ترويج لقطعة المحتوى اللي انت نشرتها دي في كل مكان …

 

اخر خطوة إنك تنشر الـ Guest Post بتاعك في كل مكان، وبعدين تتابع ادائه، والتعليقات اللي بتحصل عليه وترد عليها  كلها سواء كانت ايجابية أو سلبية.

 

جوه المحتوى حط لينكات جوه سياق الكلام للمحتوى اللي عايز تعمل له توزيع، وفى البروفايل بتاعك على الموقع حط لينكات لأحسن محتوى عندك.

 

الخلاصة:

 

طرق توزيع المحتوى كتيرة، منها المجاني المتمثل في كل اللي إحنا قلناه، ومنها المدفوع المتمثل في اعلانات الفيسبوك وتويتر، وجوجل ادوردز، اعلانات يوتيوب، وكافة أنواع الاعلانات المدفوعة.

 

اكتب محتوى عالي الجودة، ثم وزعه ووصله للزبون المستهدف، وساعتها هتشوف سحر وتاثير التسويق بالمحتوى وانعكاسه على المبيعات.

 

ازاى تكتب محتوى عالي الجودة احسن من اي محتوى تم نشره قبل كده فى الموضوع اللى بتكتب عنه؟

 

اقرأ: 10 نصائح عملية ومجربة لكتابة محتوى عالي الجودة.

 

التصنيفات: Content Marketing

0 تعليق

اسال او استفسر او قول رايك ...

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.