عندك منتج أو خدمة قوية، والسعر مناسب، وبتعمل اعلانات وبتلاقي لايكات بس محدش بيشتري؟
بتنزل محتوى مجاني فيه قيمة وتعليم بس لسه البيع ضعيف أو في بعض الاوقات مش موجود اصلا!
هل المشكلة في المنتج ولا في المحتوى ولا فى السوق ولا في الزاوية اللي بتبيع منها المنتج؟
الاجابة مش زي ما بتسمع كل يوم من الخبراء في المجال!
أنا عارف إن منتجاتك وخدماتك كويسة جدا وعندك شهادات بده، ويمكن كمان افضل من المنافسين، بس المبيعات ضعيفة ومتذبذبة …
وده بيخليك تسأل نفسك كل يوم:
هل المشكلة في منتجاتي وخدماتي؟ ولا المشكلة في المحتوى؟ ولا في السوق؟
انا هقولك الحقيقة اللي ممكن تكون انت عارفها بس مش مديها الاهمية الكافية لانك فهمت من نصائح وتوجيهات اللي بيسموا نفسهم خبراء في المجال ان المشكلة في حاجة تانية!
يا سيدي المشكلة لا هي في السوق ولا في المنتج أو الخدمة اللي انت بتقدمها، ولا في المنافسة، ولا حتى في تطور الذكاء الاصطناعي!
المشكلة الرئيسية هي:
العميل مش هيتشري الا لو شاف إن القيمة اللي هيحصل عليها أكبر من السعر اللي هيدفعه!
والقيمة دى هو اللي بيحددها بنفسه.
انت ممكن تدي قيمة لشيء، وانا ماديش نفس القيمة لنفس الشئ!
المهم بالنسبة لك ممكن مايكونش مهم بالنسبة لى!
لذلك، فنيات كتابة محتوى يبيع تتلخص في المنهج الآتي:
معرفة الاشياء اللي العميل بيدها قيمة!
ربطها بالمنتج أو الخدمة اللي بتحاول تبيعها
استكشاف الرسائل التسويقية اللي تعرض ليها العميل قبل كدة!
تحديد موقع العميل من حيث إدراكه لقيمة المنتج والخدمة اللي انت بتقدمها
صياغة ذكية وواضحة تخلي العميل يدرك القيمة فورا ويقرر يشتري بسرعة!
انا دايما بقول في استشاراتى لاي بيزنس اونر، لو انت بتزعق جوه دماغك وبتقول ده الخدمة أو المنتج حلو اوى، المفروض الناس تشتري …
إذن فيه حاجة انت تعرفها عن المنتج أو الخدمة بتاعتك، والجمهور مايعرفهاش أو مش شايفها زي ما انت شايفها!
والحل ببساطة تكتشف انت تعرف ايه بيخليك تقول ان اللي مايشتريش المنتج أو مايشتركش في الخدمة يبقي غبي … ثم توضحه للجمهور بكل الاشكال الممكنة.
العميل أول ما بيلاقي القيمة اللي هو عايزه بسعر مناسب (بالنسبة له) بيشتري فورا بدون جدال.
عشان كدة انا عملت الورشة دى …
عشان اساعدك ببساطة في فك شفرة المحتوى اللي بيبيع بجد!
وماتقلقش مش هشرح لك AIDA ومعادلات كلاسيكية بتشوفها ليل نهار اونلاين في بوستات وجروبات ببلاش!
الورشة دى مختلفة ومحددة وكل كلمة فيها في الصميم بدون هري وحشو فاضي، وهتشوف دلوقتى ازاى ….
فنيات المحتوى اللي بيبيع في 2025
ورشة عمل تطبيقية لصناعة محتوى يخلي الجمهور المستهدف ينتبه، يهتم، يقتنع، يثق، يشتري المنتج/الخدمة اللي انت بتقدمها في 2025 بسلاسة بدون ضغط أو إلحاح!
الورشة دي مش بس بتعلمك تكتب “محتوى يبيع”، الورشة دي بتفهمك إزاي تبني الرسالة اللي تخلّي العميل يقرر يشتري من نفسه … حتى لو المنتج أغلى … وحتى لو السوق مليان منافسين.
محتوى الورشة عبارة عن 7 محاور، وهما:
1- What & how & why we buy in 2025
ايه الحاجات اللي الناس بتشتريها وازاى وليه بتشتريها في 2025 وخصوصا بعد تطور الذكاء الاصطناعي وازدحام معظم الأسواق؟
2- Voice of Customer
مين هو العميل المثالي ليك؟ ازاى نختاره؟ ونتعرف عليه؟ ونكتشف عنه حاجات هو مش عارفها عن نفسه؟
وانواع الماركتنج بيرسونا، ولازم تستهدف كام نوع؟ وازاى تبني بروفايل لكل بروسنا بس فعلا تستخدمه كل يوم مش تعمله مرة وماتبصش عليه تاني؟
3- Product Decode
ازاى تفك شفرة اي منتج وتفهمه بعمق؟ وتحدد أهم الزوايا التسويقية اللي لازم تشتغل عليها، وازاى تربطه بالزوايا التسويقية اللي أثبتت نجاحها عبر السنين (عشان مرتبطة بطبيعة النفس البشرية)!
4- Awareness Spectrum
ازاى تتكلم مع كل عميل حسب درجة وعيه وإدراكه بالقيمة الخاصة بالمنتج أو الخدمة بتاعتك!
5- Market Sophistication & Saturation
ايه اللي اتقال في السوق قبل كدة؟ وازاى الأسواق ومعايير القيمة والمنافسة بتتطور وبتتغير مع الوقت؟ وازاى تفهم ده وتصيغ الرسالة التسويقية وفقا لذلك!
6- Proven Mega Copywriting Formula
معادلة واحدة مش محتاج غيرها لصياغة محتوى يبيع المنتج أو الخدمة بتاعتك (ومش مشهورة بس رهيبة)!
7- Creative-Copy Performance Mix [Meta Ads Only]
من خلال شغلي الحالي كـ Performance Creative Strategist هشرح لك ازاى تختار الكريتف (الصورة او الفيديو اللي مع المحتوى) اللي يشد انتباه الناس ويوقفهم ويخليهم يهتموا يشتروا!
في كل محور من دول مش هنسهب في معلومات نظرية ملهاش اي 30 لازمة!
نظام الشرح هيكون كالتالي، هنمسك كل محور ونعمل فيه الآتي:
1- المطلوب وليه هو مهم >>> التاسك اللي المفروض تعمله عشان الـ System يشتغل.
2- يعني ايه >>> شرح لطبيعة التاسك وايه المخرجات بالظبط.
3- أخطاء تتجنبها >>> الحاجات اللي لازم تاخد بالك منها وانت بتعمل التاسك
4- أدوات مساعدة >>> ايه هي الادوات اللي ممكن تساعدك في التاسك ده عشان تنجزه بسرعة وبكفاءة عالية، وازاى تستخدمها!
5- ازاى >>> ازاى تنفذ التاسك خطوة بخطوة. يعني اعمل 1 ثم 2 ثم 2 ونص ثم 3 وهكذا!
6- مثال عملي تشريحي >>> مثال عملي يوضح ويشرح التاسك بعد التنفيذ (اكتر من مثال).
دى مش مجرد سيشن وخلاص، دى اداة لتطوير شغلك بشكل جذري!
ازاى؟
يوم اونلاين بنشرح فيه كل الادوات والاستراتجيات والفرموركس اللي انت محتاج تتعلمها وتفهمها بعمق لعمل محتوى يبيع.
ثم ترك مساحة اسبوع ليك للتطبيق، ومتاح تسالني وتتفاعل معايا في أي نقطة خلال الاسبوع ده من خلال جروب واتساب.
وانت طالع من الورشة هيكون معاك هاند اوت دليل عملي مكتوب لكل خطوة، وتشيك ليست لتقييم تنفيذك كل خطوة بشكل مظبوط.
ثم يوم لمراجعة شغلك لايف، والمحتوى اللي يبيع اللي عملته باستخدام الفرموركس اللي هنشرحها في الورشة، وطبعا الرد على اي سؤال يكون عندك.
طب التفاصيل والمواعيد؟
يوم الجمعة الموافق 23 مايو، الساعة 6 مساءا.
ولحد يوم الخميس اللي بعده دى مساحة التنفيذ.
ويوم الجمعة الموافق 30 مايو هي دي السيشن اللي هنراجع فيه الشغل وهنجاوب على أي أسئلة أو استفسارات وهتكون الساعة 6 مساءا.
التكلفة 1900 جنيه من داخل مصر، خارج مصر 99$!
الشروط:
لازم تدخل الورك شوب وانت مجهز على الاقل 3 نماذج من محتوى بيعي عملته قبل كدة!
تكون شغال في احد مجالات التجارة الالكترونية، الخدمات، الكورسات والكوتشينج، البرسونال براندز!
تكون فاضي للمشاركة في التاريخ والميعاد
تسدد تمن الاشتراك في الورشة!
لو تنطبق عليك الشروط، سجل اسمك وبياناتك في الفورم اللي قدامك وهيتم التواصل معاك لتأكيد الحجز!