fbpx

هو فيه كورسات اصلا بـ 10,000 جنيه؟

 

اه فيه.

 

وفيه اكتر من كده بكتير.

 

عندنا في مجال التسويق الكلام ده؟

 

اه.

 

طب ليه كورس يكون بـ 500، وكورس تانى يكون بـ 1000، وتالت يكون بـ 10,000، ورابع يكون بـ 20,000 الخ؟

 

ده اللي هنتكلم عنه دلوقتي.

 

الكورسات شي أساسي لازم تتواجد بوفرة وبجودة عالية في أي مجال مش بس مجال التسويق.

 

وزى اي حاجة في الدنيا، فيه حاجات عالية الجودة، وحاجات أي كلام، وحاجات متوسطة.

 

في مقال النهاردة هقولك ازاى تفرق بين كل الكورسات، وتعرف الكورس اللي انت ناوى تاخده يستاهل تمنه ولا لا!

 

دلوقتي هقدملك 10 أصناف من الكورسات، أي كورس أو كتاب أو منتج تعليمي بشكل عام في السوق يقع تحت تصنيف أو أكثر من اللي هاقولك عليها دلوقتي.

 

يلا بينا …

 

1- كورسات بتقولك المفروض تعمل ايه؟

 

فلنفترض انك عايز تبدأ تسوق للمنتجات بتاعتك على الفيسبوك، فقررت تروح تاخد كورس في أي مكان!

 

رحت الكورس، حضرت، وخرجت من الكورس باللى المفروض تعمله زي اعمل صفحة من الـ Business Manager مش من الاكونت العادي، اكتب محتوى كل يوم، رد على الناس بسرعة، اعمل اعلانات بس قبل أي حاجة لازم تعمل Testing، اهتم بالتصميم.

 

قطاع كبير من الكورسات في السوق بتقع تحت التصنيف ده.

 

في رأيي إن الكورسات دي مفيدة، ولكن الموضوع كله يتوقف على سعرها!

 

دى أكتر كورسات هتلاقيها مجانا اون لاين، سواء في مقالات أو كورسات مجانية على أي منصة من منصات الكورسات الاون لاين.

 

طب لو عايز تاخد الكورس، وجه قدامك كورس زي ده، تاخده ولا لا؟

 

اللي هتطلع بيه من الكورس موجود اون لاين، لو ماعندكش صبر ومابتعرفش تذاكر اون لاين، خده لو سعره في المتناول.

 

الكورسات اللي زي دي بتقولك المفروض تعمل ايه، وبتسيبك تايه بدرجة أو بأخرى في مرحلة التنفيذ.

 

مشكلة النوع ده من الكورسات إنها مش بتقولك المفروض تعمل ايه بالظبط، إنما بتقولك كل حاجة المفروض تعملها، ودى غلط جدا جدا لو انت لسه مبتدئ ومش عارف أصول اللعبة.

 

2- كورسات بتقولك المفروض تعمله ازاى؟

 

صعب أو مش كتير تلاقي كورسات بتتكلم في ازاى!

 

كورسات ازاى دى كورسات تستحق تمنها واكتر، لانها بتقدملك حاجات صعب تلاقيها اون لاين بسهولة.

 

يعني مش من أول ما تكتب في جوجل How to Write Blog Post هتلاقي الاجابة اللي تنفع!

 

هتحتاج تقضي وقت كبير جدا في جوجل، وفى الاخر يا وصلت يا لا، ومش بس دى المشكلة!

 

المشكلة الاكبر إنك بدرجة أو بأخري مش بتكون واثق في المعلومات اللي انت اخذتها أو حصل لك لبس من كتر الاراء والخطوات والمدارس اللي لقيتها.

 

الكورسات دى تستاهل تمنها بدون تفكير.

 

زي كورس THE NEXT LEVEL بالظبط.

 

في الكورس انا هشرح لك خطوة بخطوة بشكل عملى ازاى تكتب Blog Posts، و Sales Pages، و Email Funnel، و Long Form Content عشان تجيب ترافيك، Leads، و Customers.

 

في الكورس مش هقولك بس المفروض تعمل ايه، إنما هقولك تعمله ازاى خطوة بخطوة، وكمان هتابع معاك لو محتاج اي استشارة أثناء التنفيذ.

 

لينك كورس THE NEXT LEVEL

 

3- كورسات بتبسط لك المعرفة

 

فيه كورسات مش بتقدملك أي حاجة سوى تبسيط المعرفة، ودى كورسات في منتهي الأهمية في رأيي.

 

مثلا لو انت عايز تدرس التسويق بشكل أكاديمي، اكتر نصيحة هتلاقيها هي ذاكر كتاب كوتلر!

 

فيه ناس مابتعرفش تذاكر لوحدها، فيقوم ناس تانية عاملة كورس تشرح فيه الكتاب بأسلوب بسيط.

 

الكورسات دى تعتبر المدخل لاي علم.

 

4- كورسات تعريفية بالمجال

 

فيه ناس بتكون في مرحلة ما قبل البداية، كل اللي عندهم مجرد رغبة في دخول مجال التسويق، هنا بيكون فيه كورسات بتاخد بايد الناس دى!

 

وتفهمهم بالظبط ما هو علم التسويق، وايه مجال التسويق، وايه المطلوب منهم عشان يدخلوا المجال ده وينجحوا فيه، واهم المهارات المطلوبة، وفرص الشغل المتوفرة الخ.

 

اللي بيقدم الكورسات دى غالبا بيكون شغال في المجال بقاله فترة، على عكس النوع اللي قبلها اللي ممكن جدا مايكونش اللي بيدها شغال في المجال اصلا، هو مدرس في الأساس.

 

5- كورسات بتقدملك حلول جيدة ولكنها غير مجربة

 

فيه كورسات تانية في منتهى الأهمية وهي بتقدملك حلول لمشاكل وتحديات انت بتقع فيها، ولكن العيب الوحيد إن الحلول دى غير مجربة.

 

يعني اللي بيشرح لك الكورس ماجربش الحلول اللي بيقولها، ولكنه شاف ناس تانية جربت وحب ينقلك ده، وساب مسئولية التجربة عليك!

 

في رأيي الكورسات دى مهمة في مرحلة من المراحل، عشان أوقات كتير البيزنس بيتطلب منك ان يكون عندك مدى واسع جدا من الأفكار والحلول، لان دايما في البيزنس في أمور غير متوقعة، وظروف مختلفة.

 

اسمح لى اقدم لك مفهوم من اختراعي اسمه Solution Matrix أو مصفوفة الحلول.

 

من خلال دراستي وقرائتي عن أشطر الناس في مجالات التسويق والبيزنس لاحظت حاجة مثيرة جدا!

 

الناس الشاطرة و المتمكنة والمحترفة في شغلها بيكون عندها حاجة انا اطلقت عليها اسم مصفوفة الحلول.

 

يعنى ايه؟

 

يعني يكون عندك عدد كبير جدا من الحلول والاستراتيجيات المختلفة لمشاكل وتحديات كتير، ويكون عندك المقدرة على اختيار الاستراتيجية أو الفكرة الأمثل للوضع الحالي.

 

ميزة النوع ده من الكورسات إنه بيخليك واعي لكل حاجة بتحصل حواليك وبيخليك Updated بالأفكار الجديدة.

 

6- كورسات بتقدملك حلول وأفكار مجربة

 

في كتاب SEO Content Playbook انا شرحت كل الخطوات، والأفكار، والاستراتيجيات اللي عملتها عشان أكتب قطعة محتوى بقت في النتيجة رقم #1 في جوجل في كلمة “كتابة المحتوى”.

 

اللي انا عملته في الكتاب اني قدم لك بالظبط اللي حصل، اللي تم تجربته وجاب نتائج.

 

وبقي مش مطلوب منك سوى إنك تفهم اللي انا عملته، وتعرف عملته ازاى، وتطبق فقط.

 

الكورسات أو الكتاب اللي تقع تحت التصنيف ده مهمة جدا لانها مفيدة جدا حتى لو النتائج قلت أو زادت، المهم إن فيه نتائج.

 

لينك كتاب SEO Content Playbook

 

7- كورسات بتوعدك بنتائج معينة

 

تخيل كده لو كل شهر دخل على الويب سايت بتاعك +1000 زائر بدون إعلانات، بدون كتابة محتوى كل يوم، بدون نشر بطريقة منفرة في الجروبات والمنتديات.

 

تخيل لو كل شهر جالك +300 Lead مهتم بالمنتج/الخدمة اللي بتقدمها، ومستعد يشتري المنتج بتاعك بشرط تبني معاه علاقة وتبيع له بالطريقة الصح.

 

طب تخيل كده لو كل شهر جالك +10 Customers جديدة غير القديمة اللي عندك من غير مجهود، فقط باستخدام محتوى مظبوط في المكان والوقت الصح.

 

دى نتائج انا بوعدك بيها في كورس THE NEXT LEVEL عن طريق حاجات انا جربتها فعلا.

 

انا هنا بوعدك بحاجات فعلا هتحصل لك، ولو جبتش نتائج فلوسك هترجعلك.

 

كل اللي عليك تنفذ اللي قلت لك عليه، لا اكتر ولا أقل!

 

طب هل كل الناس هتنجح باستخدام الكورس ده؟

 

بص، الناس اللي هتاخد الكورس ده 3 أنواع:

 

1- ناس هتاخد الكورس ده ومش هتعمل بيه أي حاجة.

2- ناس هتبدأ تذاكر وتقف في النص ومش هتكمل.

3- ناس هتخلص الكورس للآخر وتنفذ وتنجح وتجيب نتائج.

 

الموضوع راجع لك.

 

انا هساعدك وهقولك على كل حاجة لازم تعملها، و هاشرحلك ازاى تعملها خطوة بخطوة، و هقدملك المساعدة والعون لو فيه حاجة واقفة معاك في التطبيق.

 

عيب النوع ده من الكورسات إنه مش بينفع لكل الناس ولكل المجالات.

 

مثلا في THE NEXT LEVEL، الكورس مناسب جدا لاي حد بيقدم منتجات مبنية على المعلومات والخبرات زي الكورسات، الـ Coaching، واي حد بيقدم خدمات.

 

إنما منتجات استهلاكية أو مادية لا.

 

تفاصيل كورس THE NEXT LEVEL

 

8- كورسات بتساعدك فى حل مشكلة صغيرة

 

ازاى تبدأ في كتابة المحتوى؟

 

دى مشكلة صغيرة، هاعلمك ازاى تعملها مقابل مبلغ بسيط.

 

ماقدرش اطلب منك مبلغ كبير فى حاجة زى دى لان المشكلة اللي عندك صغيرة.

 

9- كورسات بتساعدك في حل مشكلة متوسطة

 

ازاى تكتب Sales Page؟

 

دى مشكلة متوسطة، لان م أي حد يقدر يكتب Sales Page، لان الموضوع عايز مهارات معينة في الـ Content Creation، ومهارات معينة في الـ Copywriting، ومهارات معينة في فهم وتحليل الزبون (Customer Psychology).

 

الموضوع كبير مش سهل، وبالتالي المبلغ المطلوب برضو مش هيكون قليل، لان البديل إنك تذاكر الموضوع ده مثلا اون لاين مكلف اكتر.

 

10- كورسات بتساعدك في حل مشكلة كبيرة ومعقدة

 

مشكلة كبيرة زي إن يكون عندك سيستم كامل لتسويق المنتجات أو الخدمات اللي بتقدمها من غير ما تحرق كل طاقتك في الشغل وتشتغل ليل نهار!

 

دى مشكلة كبيرة فعلا، ولو النظام ده مجرب أو حتى منقول من تجربة تانية فهو يستحق بكل تأكيد استثمارك.

 

بس كده …

 

دول كانوا 10 أقسام تقريبا شاملة كل الكورسات اللي ممكن تقابلها في السوق.

 

نيجى بقى للسؤال الأهم على الإطلاق!

 

ازاى تختار الكورس المناسب ليك؟ وتعرف إذا كان يستاهل تمنه؟!

 

1- المشكلة اللي بيحلها صغيرة؟ متوسطة؟ كبيرة؟

2- بيشرح لك المفروض تعمل ايه؟ ولا بيشرح لك تعمله ازاى خطوة بخطوة؟

3- بيقدملك حلول مجربة ونهائية؟ ولا حلول وأفكار جيدة بس غير مجربة؟

4- بيتكلم في الموضوع بتحديد ولا بصفة عامة؟

5- فيه دعم ولا لا أثناء التنفيذ وما بعد الكورس؟

 

عن طريق الاسئلة دى تقدر تحدد أولا انت محتاج ايه بالظبط، وثانيا قيمة كل كورس المادية.

 

أكيد اللي بيحل مشكلة كبيرة سعره اكبر ويستاهل من اللي بيحل مشكلة صغيرة.

 

واللى بيقدم حلول مجربة وبيشرح المفروض تعمله ازاى خطوة بخطوة افضل من اللي بيقولك المفروض تعمل ايه ويسيبك.

 

اللي بيشرح مواضيع محددة بعينها، أفضل من اللي بيتكلم بشكل عام/نظري.

 

فهمت؟

 

عشان تختار أي كورس، أولا لازم تحدد انت عايز ايه بالظبط؟ حاجة عامة ولا حاجة محددة؟ ازاى خطوة بخطوة، ولا الفكرة العامة للموضوع؟ الخ

 

ثانيا لازم تقرأ وصف الكورس كويس اوى، ولو حسيت إنه ليك وده اللي بتدور عليه، خده فورا بدون تردد.

 

ثالثا واخيرا، معظم الكورسات بتقدم Refund كامل لفلوسك لو طلع الكورس مش زي ما هما فهموك، ودى ميزة حلوة جدا تشجعك على الاستثمار في الكورس، لانك مش خسران حاجة!

 

الخلاصة:

 

الكورسات شئ مهم جدا لاي حد شغال في مجال التسويق، لانها بتوفر وقت ومجهود وفلوس.

 

وبتساعدك – لو كويسة – تحقق نتائج أفضل، وبتديك ثقة أكبر في اللي انت بتعمله.

 

قولي في تعليق تحت، ايه مواصفات الكورس اللي انت بتدور عليه ونفسك تلاقيه؟

 

 

التصنيفات: Content Marketing

0 تعليق

اسال او استفسر او قول رايك ...

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.