كورس كتابة المحتوى التسويقي خطوة بخطوة

تعلم أسس كتابة المحتوى التسويقي بدون ما اخفي عليك تفصيلة واحدة انت محتاجها — مجانا.

أنت هنا عشان عايز تتعلم كتابة المحتوى التسويقي بطريقة علمية مظبوطة، يعني عايز منهج تم تجربته مئات المرات، بحيث تقدر تكتب محتوى تجذب من خلاله العملاء المستهدفين للبيزنس بتاعك!

صح؟

أولا برافو عليك انك قررت تتعلم كتابة المحتوى التسويقي!

ثانيا شكرا انك اختارت تتعلم المهارة دى من خلال الكورس المجانى اللي انا بقدمهولك.

في كورس كتابة المحتوى التسويقي هتتعلم ازاى تكتب محتوى خطوة بخطوة على أسس مجربة عشان تجذب الفئة اللي مهتمة بالمنتجات والخدمات اللي بتقدمها، ومستعدة تدفع تمنها بدون تردد.

احصل على كورس كتابة المحتوى التسويقي وانضم لاكتر من 25,000 شخص حصلوا على الكورس مجانا 100%.

الكورس هيجي لك من خلال الايميل لمدة 8 أيام متواصلة، بواقع 2 ايميل كل يوم.

ايميل الساعة 10 الصبح، وايميل الساعة 10 بالليل، وهكذا لمدة 8 أيام.

يعني بعد 8 أيام هتكون اتعلمت كتابة المحتوى التسويقي خطوة بخطوة وهتقدر تكتب محتوى لشركتك بنفسك أو تقدر تقدم خدمة كتابة المحتوى كـ Freelancer لو انت لسه مبتدئ!

المطلوب تسجل اسمك، وايميلك في الفورم الموجودة اخر الصفحة دى وفى ساعتها هيوصلك ايميل فيه لينك دوس عليه عشان تعمل تأكيد!

ومبروك الكورس هيجيلك كل يوم، ايميل الصبح وايميل بالليل، وهكذا لمدة 8 ايام!

فيه كورسات كتير في السوق، ولكن انا بقدملك كورس – حسب رأي 99% من الناس اللي اخدته – أحسن من كورسات كتير بفلوس كتيرة في السوق.

الكورس قيمته المادية تتخطى الـ 3000 جنيه مصري، وده برضو مش رايي، إنما متوسط اراء الناس اللي اخدت الكورس.

الكورس مجانا 100%.

الكورس هيقولك ازاى تكتب محتوى خطوة بخطوة بطريقة علمية/عملية يساعدك في تسويق المنتجات والخدمات اللي بتقدمها.

بكرر تاني الكورس مجاني 100 %، وهيكون عن طريق الإيميل!

ليه انا بعمل كده؟

 لسببين، واحد شخصي، والتاني بيزنس بحت!

السبب الشخصي اني بفرح أما اساعد حد، بحقق ذاتي وبكون مبسوط وانا شايف إن اللي بعمله ليه فايدة وتاثير حقيقي في الناس.

والسبب اللي يخص البيزنس، اني بقدملك محتوى قيمته عالية وببلاش، عشان تجرب، ولو عجبك، هتشتري المنتجات اللي بعملها بفلوس وانت مقتنع ومجرب قبل كده.