fbpx

استراتيجيات كتابة المحتوى التسويقي: الـ Content Repurposing

استراتيجيات كتابة المحتوى كثيرة ومتنوعة، ولكن احنا هنركز على استراتيجية واحدة بس هتساعدنا نقوم بانتاج محتوى كتير بدون كتابة محتوى كتير.

 

فيه واحد مشهور اسمه Gary Vaynerchuk، الراجل ده باستخدام التسويق المحتوى قدر يوصل – في 5 سنين بس – بالبيزنس بتاعه عائلته من 5 مليون دولار في المبيعات لـ 60 مليون دولار.

 

بس مش ده المهم!

 

العم Gary عنده برنامج على اليوتيوب اسمه The #AskGaryVee Show بينشر فيه نصائح وأفكار لشباب الجامعة والمسوقين ورواد الاعمال واصحاب الشركات.

 

البرنامج ناجح جدا، والمحتوى فعلا مفيد.

 

ركز بقي …

 

في 8 مارس 2016، عمك Gary حول حلقات برنامج اليوتيوب لكتاب.

 

الكتاب نزل وكسر الدنيا، وحقق مبيعات كبيرة.

 

اللي عمله Gary في علم التسويق بالمحتوى اسمه Content Repurposing.

 

في المقال ده، هشرح لك كل حاجة عملها Gary ولازم تكون انت عارفها عن الـ Content Repurposing.

 

قبل ما نبدأ فيه قصة تانية لازم تعرفها …

 

في واحد مشهور برضو اسمه Evan Carmichael عامل برنامج حلو جدا على اليوتيوب اسمه Top 10 Rules for Success.

 

الاستاذ Evan بيسال أكتر ناس ناجحة في العالم في كل المجالات تقريبا وخصوصا مجال البيزنس وريادة الأعمال عن اكتر 10 حاجات خلتهم ينجحوا!

 

بس فيه حاجة!

 

Evan مش بيروح يقابل الناس دي، ده بيجمع من فيديوهاتهم ومقالاتهم اللي عملوها قبل كده.

 

ودى استراتيجية من استراتيجيات كتابة المحتوى المشهورة اسمها Content Curation هنبقي نشرحها بعدين.

 

المهم إن العم Evan في 1 ديسمبر 2017 أعاد استخدام محتوى البرنامج ده، وعمل كتاب بنفس الاسم.

 

الاستاذ Evan من أكتر الناس الملهمة في صناعة المحتوى نظرا لإنه تقريبا مش بيتنج محتوى جديد، إنما باستخدام محتوى الغير قدر يبني إمبراطورية في اليوتيوب وشهرة كبيرة جدا في أوساط البيزنس.

 

سواء Evan أو Gary الاتنين اعتمدوا على التسويق بالمحتوى في بناء البيزنس بتاعهم، وتحديدا على استراتيجية الـ Content Repurposing زي ما شرحنا.

 

يعني ايه Content Repurposing؟

 

الـ Content Repurposing عبارة عن استراتيجية لكتابة المحتوى بغرض تحويل شكل المحتوى من شكل لآخر دون تغيير مضمون المحتوى، ونشره على مختلف القنوات التسويقية.

 

يعني المقال اللي انت بتقراه دلوقتي، ممكن احوله لفيديو، أو احوله لكتاب … الخ.

 

ده باختصار يعني ايه Content Repurposing.

 

طب والاستراتيجية دى مهمة اوى؟

 

فوائد الـ Content Repurposing

 

كتابة قطعة محتوى جديدة مكلفة جدا من حيث الوقت، عايزة Research كبير، كتابة، تنسيق، مراجعة، توزيع وترويج …

 

الاستراتيجية دى بتوفر وقت كبير وبتزود الإنتاجية عن طريق إنها بتسمح لك بنشر محتوى كل يوم – على كل القنوات التسويقية مهما كان عددها – من غير ما تضطر تكتب كل يوم محتوى جديد!

 

بتساعدك تتخلص من مشكلة قلة أفكار المحتوى، ومشكلة إنتاج محتوى جديد بشكل متسق/مستمر …

 

لو ماعندكش أفكار محتوى حلوة في الوقت الحالي، ومش قادر تكتب محتوى جديد تتفاعل بيه مع الجمهور المستهدف على مختلف القنوات عشان يحسوا انك موجود معاهم دايما، الاستراتيجية دي هتساعدك.

 

لو انت شغال لوحدك ومفيش موارد كبيرة لإنتاج محتوى بشكل مستمر، الاستراتيجية دي هتقولك ازاى تعمل من المحتوى القديم فعلا محتوى جديد.

 

فضلا طبعا عن إعادة استخدام المحتوى القديم في ثوب جديد بيساعد موقعك الالكتروني في الصعود للنتائج الاولي في جوجل.

 

وبيزود لك عدد زوار الموقع شهريا، وبيحافظ على الاستمرارية اللي هي مفتاح كسب الثقة، اللي هي اهم مفتاح لتحقيق مبيعات اون لاين.

 

الـ Content Repurposing الطريقة الأمثل لتطبيق التسويق متعدد القنوات (Multichannel Marketing).

 

طب ازاى تعمل Repurposing للـ Content؟

 

انا دلوقتى هشرحلك 3 طرق لعمل الـ Content Repurposing، وهما:

 

1- تحويل المحتوى المرئي لمحتوى مكتوب أو محتوى مسموع أو محتوى مرئي برضو.

 

2- تحويل المحتوى المسموع لمحتوى مكتوب أو محتوى مرئي.

 

3- تحويل المحتوى المكتوب لمحتوى مكتوب برضو أو محتوى مسموع أو محتوى مرئي.

 

لو متلغبط ركز …

 

أصل كل محتوى هو إما مكتوب أو مسموع أو مرئي، وجميع أنواع المحتوى المعروفة بتندرج تحت التصنيف ده، ماشي؟

 

بما إن الـ Content Repurposing عبارة عن عملية تحويل المحتوى من صورة لأخرى …

 

إذن طرق عمل وتطبيق الـ Content Repurposing تتمحور حول تحويل المحتوى المكتوب/المسموع/المرئي للصور الأخرى.

 

وضحت؟

 

طب ايه هي أنواع المحتوى التسويقى؟

 

أهم أنواع المحتوى المرئي هي:

 

1- الفيديو – Video

2- الويبنار – Webinar

3- الـ Data Visuals

4- قائمة الفحص والتحقق – Checklists

5- النماذج الجاهزة – Templates

6- ورقة الغش أو البرشام – Cheat Sheet

7- الإنفوجرافيك – Infographics

8- الصور المتحركة – GIFs

9- الكورسات عبر الإنترنت – Online Courses

10- العروض التقديمية – Presentations

11- الاقتباسات – Quotes

 

المطلوب هو تحويل أي محتوى من الأنواع دي لنوع أو شكل من انواع المحتوى المكتوب أو المسموع.

 

أهم أنواع المحتوى المكتوب هي:

 

1- القوائم – Lists

2- ازاى – How to

3- سؤال وجواب – Q&A

4- الأسئلة المتكررة – Frequently Asked Questions

5- دراسة الحالة – Case Studies

6- المقابلات الصحفية – Interviews

7- القصص – Stories

8- تجميعة لينكات بشكل دوري – Link Roundup

9- الكتب الإلكترونية – E-Books

 

أما المحتوى الصوتي متلخص حول التدوين الصوتي – Podcasts اللي ممكن يتحول لاغلب المحتوى المكتوب والعكس.

 

لو لسه مش فاهم، يلا نبدأ …

 

الطرق اللي هتسمعها دلوقتي هتساعدك تجيب ترافيك اكبر لموقعك، وتكتسب Leads تقريبا ببلاش، وتحقق مبيعات.

 

1- تحويل المحتوى المرئي لمحتوى مكتوب، أو محتوى مسموع أو محتوى مرئي

 

  • حول اي فيديو عندك لمقال على موقعك

 

لو فيه فيديهات على اليوتيوب أو على الفيسبوك، اسمعها ثم فرغها واكتبها كمقال على الويب سايت بتاعك.

 

  • حول اكتر فيديو جاب مشاهدات وتفاعل على اليوتيوب أو الفيسبوك لـ كتاب الكتروني

 

الكتاب الإلكتروني من أشهر أنواع المحتوى اللي بتساعدك في اكتساب Leads بطريقة مجانية.

 

الفكرة انك بتقدم قيمة عالية جدا لحل مشكلة او اكتر من اللي بيعاني منها الجمهور المستهدف – مجانا.

 

وفى المقابل بتاخد الأذن المتمثل في بعض البيانات الشخصية لتسويق المنتجات أو الخدمات المدفوعة أمام الجمهور ده.

 

  • حول أي ويبينار لسلسلة من المقالات على الموقع

 

الويبنار عبارة عن زي محاضرة اون لاين بيكون مدتها غالبا من 1 لـ 3 ساعات، وبيتم فيها شرح موضوع معين بالتفصيل.

 

امسك الويبنار ده وفصصه وقسمه لـ 3 – 10 مقالات على الويب سايت.

 

وكده بقي معاك محتوى كتير، وعالي الجودة من غير كتابة أو تأليف محتوى جديد.

 

  • حول أي انفوجرافيك لمقال من النوع “القوائم”

 

الانفوجرافيك غالبا ما بيكون عبارة عن معلومات مرقمة في شكل قائمة، المطلوب منك تاخد الانفوجرافيك ده وتمسك عنصر عنصر من العناصر اللي فيه وتتكلم عليه باستفاضة، وكده بقي معاك مقال تسويقي محترم.

 

  • حول الفيديوهات لـ Gifs

 

عايز محتوى تفاعلي على الفيسبوك بس ما عندكش وقت ولا افكار جديدة؟ حول أي فيديو لمجموعة من الـ Gifs.

 

بس كده …

 

2- تحويل المحتوى المسموع لمحتوى مكتوب أو محتوى مسموع أو محتوى مرئي

 

  • حول أي Podcast لمقال How-To أو List

 

  • حول أي Podcast لفيديو أو انفوجرافيك أو Quotes أو Presentations

 

فهمت الفكرة؟

 

3- تحويل المحتوى المكتوب لمحتوى مكتوب أو محتوى مسموع أو محتوى مرئي

 

  • حول أفضل مقالات الـ How-To على موقعك لفيديو أو Podcast

 

  • حول أفضل محتوى القوائم عندك لـ إنفوجرافيك

 

  • حول أي مقال لبوستات على الفيسبوك، وتويتات على تويتر

 

  • حول مجموعة متصلة من المقالات لكتاب الكتروني

 

  • حول أي محتوى مكتوب لمحتوى مسموع أو محتوى مرئي.

 

الافكار كتيرة، فكر وطبق واتعلم، وانجح.

 

طب ازاى اصلا تعمل المحتوى اللي ينفع يتعمله Repurposing؟

 

كتابة محتوى أصلي حصرى غير منسوخ

 

عشان تطبق استراتيجية الـ Content Repurposing لازم تكتب:

 

1- محتوى ذكي (Intelligent Content)

2- محتوى أخضر لا يموت بمرور الوقت (Evergreen Content)

3- محتوى متسلسل (Sequential Content)

 

الخلاصة:

 

عايز تبني البيزنس بتاعك زي Gary و Even وغيرهم؟ عايز البيزنس بتاعتك يكون كبير وينجح؟

 

اعتمد على التسويق بالمحتوى اعتماد كلي.

 

الفيسبوك عمال يقلل في نسب الوصول وبقي مستحيل – زي ما ناس كتير بتقول – توصل لاهدافك من غير اعلانات مدفوعة!

 

وهنا السؤال يطرح نفسه: ليه تعتمد على قناة غير مملوكة ليك وتبقى تحت رحمة مارك ولا غيره؟

 

لو قلت لك هعملك برنامج على قناة CBC هيتم إذاعته كل يوم الساعة 8 بالليل، وببلاش.

 

توافق؟

 

اكيد هتوافق.

 

طب ما اليوتيوب موجود وببلاش برضو!

 

طب لو قلت لك هخلي المصرى اليوم، واليوم السابع والجمهورية والوطن ينشروا عن شركتك ومنتجاتك وخدماتك مقال كل يوم بشكل مجاني، توافق؟

 

أكيد طبعا هتوافق.

 

طب ما تعمل الويب سايت بتاعك وتنشر اللي انت عايزه في أي وقت.

 

افضل طريقة للتسويق هي بناء أصول تسويقية (Marketing Assets)، والاصول التسويقية دي متمثلة في إنتاج محتوى عالي الجودة مفيد يهم الجمهور المستهدف بتاعك.

 

مثال عملي:

 

يوم 16 يونيو 2017، انا عملت كورس “كتابة المحتوى خطوة بخطوة”، الكورس عبارة عن 17 ايميل، بيتم ارسال كل يوم ايميل.

 

بنهاية الكورس بتكون قادر على كتابة محتوى بطريقة علمية/احترافية.

 

الكورس ده كان من الاصول التسويقية اللي انا عملتها.

 

الكورس من ساعتها وهو كل يوم بيجيبلى Leads جداد …

 

التسويق بالمحتوى

 

ومن الـ Leads دول فيه +700 شخص اشتري المنتجات التعليمية اللي بعملها.

 

المدهش في الموضوع اني معملتش اعلانات اصلا!

 

** قيمة الاعلانات اللي عملتها خلال سنة ونص لا تتخطى 1000 جنيه وكانت من اجل التجربة ليس أكثر **.

 

مش بس كده!

 

انا عملت Repurposing لمحتوى الكورس، وحولته لمقال على الويب سايت!

 

المقال تصدر النتيجة رقم #1 في جوجل.

 

 

لو عايز تتعلم التسويق بالمحتوى في وقت أقل بمجهود أقل – بطريقة صحيحة!

 

يبقى ارشح لك كتاب Content Marketing Principles …

 

دوس هنا لقراءة الـ Sales Page الخاصة بالكتاب لمعرفة كافة التفاصيل (السعر والهدايا المجانية وخلافه)

شارك