fbpx
التسويق بالمحتوى

مجال التسويق بالمحتوى هو أهم مجال من مجالات العمل فى سوق التسويق في مصر والوطن العربي، وده لإن مفيش أي نشاط تسويقي بيحصل على الإنترنت مش بيعتمد على المحتوى.

 

ما هو التسويق بالمحتوى؟

 

التسويق بالمحتوى عبارة عن استراتيجية تسويقية تهدف إلى كسب ثقة الزبون وتحويله من زبون محتمل لزبون حقيقي.

 

عن طريق إنتاج أو خلق محتوى مفيد وذات صلة بمشاكل ورغبات جمهور مستهدف معين.

 

وتقديمه أو نشره للجمهور ده في القنوات التسويقية اللي بيكون موجود فيها زي الفيسبوك و تويتر والمواقع الإلكترونية إلخ.

 

الناس اللي شغالين في مجال التسويق بالمحتوى هما ناس بتعمل محتوى باستمرار بغرض التسويق للمنتجات والخدمات اللي بتقدمها الشركات اللي بتشتغل لها.

 

مين هما المسوقين بالمحتوى؟

 

إحنا المسوقين بالمحتوى أغرب ناس في الدنيا، إحنا مش شخص واحد، إحنا أشخاص كتيرة في بعض!

 

إحنا مسوقين، وصناع محتوى، وكٌتاب، ومؤلفين، وقصاصين، وحكائين، ومحللين، ورواد أعمال …

 

وعلماء نفس، وفنانين، ورسامين، وباحثين، وPublic Speakers، وممثلين، ومخرجين، وكٌتاب سيناريو، وصحفيين، ومبدعين، ومخططين استراتيجيين وحاجات تانية كتير …

 

إحنا واخدين من كل واحد من دول حتة!

 

فيه مننا اللي واخد حتة من حد أكبر من حتة تانية من حد تاني، وده اللي بيميز واحد مننا عن واحد تاني.

 

حياتنا مش عادية أبدا، حياتنا خليط بين كل الحاجات دي!

 

شوية تحسنا بتوع داتا وتحليلات وحاجة تقيلة، وشوية فنانين ومبدعين ومؤلفين.

 

حقيقي انا بحب مجال التسويق بالمحتوى وأفتخر إني جوه العالم ده.

 

في المقال ده هاقولك ازاى تدخل مجال التسويق بالمحتوى وتنجح فيه حتى لو بتقول على نفسك:

 

  • مابعرفش أجيب أفكار تسويقية ابداعية
  • مابعرفش اكتب محتوى كويس
  • ماعنديش طولة بال وصبر لكتابة محتوى طويل متماسك ومفيد
  • ماعنديش الموهبة لكتابة محتوى قصير فعّال

 

خلينا الأول نسأل سؤال …

 

ايه اللي بيفرق مسوق عن مسوق تاني؟

 

مش الموهبة ولا العمل الشاق ولا الشغل الكتير ولا اي حاجة.

 

حاجة واحدة بس هي اللي تفرق واحد عن واحد تاني، وهي:

 

الثقة.

 

يكون عارف وواثق بيعمل ايه كويس اوى، وبيعرف يشرحه لأي حد بمنتهي الثقة والوضوح.

 

طب هل انت محتاج سنين (من 1 لـ 3 سنين) عشان تبقى عارف وواثق انت بتعمل ايه كويس في مجال التسويق بالمحتوى؟

 

لا، الكلام ده مش صحيح.

 

انت مش محتاج غير 3 حاجات بس!

 

والحاجات دي هي:

 

1- الحصول على المعلومة الصحيحة

2- تطبيق المعلومة بطريقة صحيحة

3- التنفيذ وفقا لخطوات عملية واقعية ممنهجة مش نظرية خيالية عشوائية

 

السر وراء النجاح في مجال التسويق بالمحتوى

 

ممكن نعتبر الـ 3 حاجات اللي قولنا عليهم دول أسرار، وكلمة سر هنا مش بمعني إن محدش يعرفها، إنما بمعنى إن محدش بيعمل بيها.

 

وبالتالي الناجحين في مجال التسويق بالمحتوى سواء جوه مصر أو بره مصر قليلين اوى.

 

ممكن عشان توصل للـ 3 حاجات تاخد 3 شهور، أو سنة، أو 3 سنين، أو 10 سنين، انت وشطارتك وهمتك.

 

واه ممكن تشتغل عمرك كله و ماتوصلش للمرحلة دي أبدا.

 

يلا نبدأ …

 

– مشكلة الحصول على المعلومة الصحيحة …

 

عشان تجيب المعلومة الصح، هتضيع وقت كبير جدا (شهور ويمكن سنين) في البحث على جوجل، ويا عالم هتوصل ولا مش هتوصل.

 

معظم الناس فاكرين إنهم أما بيدوروا على حاجة في جوجل، جوجل بنفسه هو اللي بيرد عليهم!

 

ولكن في الواقع جوجل ما هي إلا وسيط ما بين واحد بيعمل محتوى، وواحد بيستهلكه.

 

يعني انت محدود باللى شخص تاني عايز ينشره، وهنا تكمن المشكلة الكبيرة!

 

محدش بيكون عايز ينشر محتوى ممنهج، سواء لإنه مايعرفش أو مش عايز، وفى الحالتين النتيجة واحدة!

 

انت تايه ما بين طرق عشوائية ومعلومات نظرية.

 

– مشكلة تطبيق المعلومة بطريقة صحيحة …

 

عشان تطبق المعلومة الصح، لازم حد يتابعك ويكون Mentor ليك، وإلا هتضيع شهور في حالة من:

 

“مش عارف اللي بعمله ده صح ولا مش صح، ولو صح صح ليه؟ ولو غلط غلط ليه”.

 

– مشكلة التنفيذ وفقا لخطوات عملية واقعية ممنهجة مش نظرية عشوائية …

 

التسويق بالمحتوى مش سهل، ومش معقد، هو ببساطة عبارة عن شوية تاسكات متتابعة لو اتعملت صح، بيجيب نتيجة.

 

عشان التسويق بالمحتوى يجيب معاك النتيجة اللي انت عايزها، لازم تعمل كل تاسك في الشغلانة وفقا لخطوات عملية واقعية ممنهجة مش نظرية خيالية عشوائية.

 

ولكن العقبة اللي بتواجهك إنك لا عارف انهي تاسكات اللي المفروض تركز عليها، وازاى تعملها صح وفقا لخطوات ممنهجة تجيب نتيجة معاك.

 

دلوقتي هشارك معاك شوية مصادر خير بداية ليك، وباذن الله مش هتحتاج غيرها – لا كورسات تانية ولا مقالات ولا اي حاجة – عشان تحترف شغل التسويق بالمحتوى.

 

كتب في مجال التسويق بالمحتوى

 

1- كتاب Content Marketing Principles

 

بالكتاب ده مش هتحتاج تشتري اي كورسات او كتب تانية عشان تفهم وتحترف أساسيات علم التسويق بالمحتوى.

 

دوس هنا لمعرفة محتوى الكتاب وكيفية الحصول عليه

 

2- كتاب SEO Content Playbook

 

الكتاب ده هيساعدك تعمل محتوى يظهر في النتيجة رقم #1 في الصفحة رقم #1 في جوجل (مهما كان المجال صعب ورخم).

 

وده من خلال Case Studies عملية حصلت.

 

بدون ما تحتاج تفهم تقنيات الـ SEO المعقدة والرخمة، وبدون الحاجة لكتابة عشرات المقالات، كفاية بس قطعة محتوى واحدة، بس قطعة محتوى أحسن من كل المحتوى الموجود.

 

في الكتاب هتلاقي الأفكار – النصائح – الأدوات – الخطوات العلمية/العملية اللي هتخليك تكتب محتوى يظهر في النتيجة رقم #1 في الصفحة رقم #1 في جوجل. 

 

دوس هنا عشان تحصل على الكتاب

 

3- كتاب انواع المحتوى

 

الكتاب ده فيه مئات من الأفكار اللي هتساعدك تعمل محتوى أحسن من المنافسين بتوعك.

 

فيه هتعرف أهم 22  نوع من أنواع المحتوى، وهتتعلم خطوة بخطوة ازاى تعمل كل نوع من الانواع دي، بالأمثلة العملية.

 

** أيام وهيكون متاح **

 

4- كتاب “العناوين”

 

انت بالفعل عارف أهمية العنوان في أي مقال أو بوست أو حملة إعلانية أو إيميل.

 

في الكتاب هتعرف ازاى تكتب عناوين تخلي اللي يشوفها يكمل المحتوى بتاعك، يكون عايز يعرف أكتر عن المنتج/الخدمة اللي بتسوق له.

 

الكتاب فيه طرق وأفكار ومعادلات جاهزة ومجربة – مش في السوق الأجنبي، إنما في السوق العربي – لكتابة عناوين المحتوى.

 

لينك كتاب العناوين

 

5- كتاب The Content Writing System

الكتاب ده مش للمبتدئين اللى لسه عايزين يدخلوا مجال التسويق بالمحتوى والتسويق عموما، لانه عملي جدا، كله خطوات عملية مطلوب منك تنفذها بترتيب معين.

 

الكتاب هيساعدك تكتب محتوى مختلف تماما عن اي محتوى موجود فى السوق، وهيساعدك تكسب المنافس وتطور المنتج او الخدمة اللى عندك.

 

اعرف تفاصيل اضافية عن الكتاب، واحصل عليه من هنا 

 

ملحوظة: كل الكتب دى بالعربي، وكل الامثلة والـ Case Studies اللي فيها من واقع السوق العربي.

 

كورسات فى مجال التسويق بالمحتوى

 

1- كورس كتابة المحتوى خطوة بخطوة على أسس علمية

 

كتابة المحتوى من اهم المهام فى مجال التسويق بالمحتوى، بل انها شغلانة مربحة جدا لوحدها، ولكن للاسف مفيش مصادر تعليمية محترمة فى الجزئية دى، عشان كده انا بقدملك كورس قيمته أكتر من 200$ (3000 جنيه فيما فوق)، وده مش انا اللى قلته، انما اكتر من 7000 شخص اخد الكورس ده.

 

الكورس مجاني 100%.

 

الكورس هيساعدك تعمل محتوى على أساس علمي بخطوات ممنهجة بحيث تقدر تعمل تسويق لأي بيزنس باستخدام المحتوى.

 

وعلى فكرة الكورس فعلا قيمته عالية جدا علميا، وممكن ماتلاقيش كورسات مدفوعة فى قيمته وده كانت اراء بعض الناس اللى اخدت الكورس بعد ما اشتروا كورسات تانية بفلوس مش قليلة.

 

الكورس مكتوب عبارة عن ايميلات، تحديدا 17 إيميل، كل يوم الساعه 10 وتلت بالليل بيجي لك إيميل فيه حدوتة أو درس جديد، وهكذا لمدة 17 يوم.

 

دوس هنا للحصول على الكورس مجانا

 

2- كورس The Next Level

 

بعد ما خلصت الكورس المجاني اللى فوق، واشتغلت شوية فى المجال هتكتشف ان الموضوع محتاج منك اكتر من كده!

 

هتلاقي ان الموضوع محتاج انك تكتب محتوى مباشرا يجيب لك Leads، ويحقق مبيعات، هتلاقي نفسك عايز تتعلم كتابة محتوى الـ Email Marketing، محتوى المواقع، محتوى الـ Landing Pages، محتوى صفحات المنتجات والخدمات …

 

وهنا يجي دور The Next Level.

 

تفاصيل الكورس كاملة هتلاقيها هنا مع الاجابة على معظم التساؤلات اللى بتدور فى بالك 

 

مقالات عالية الجودة في التسويق بالمحتوى

 

في الفترة اللي كنت فيها بقرا كل حاجة عن التسويق بالمحتوى سواء اجنبي أو عربي، اتعلمت ايه هو المحتوى اللي فعلا بيعلم الناس حاجة مفيدة، والمحتوى اللي معمول عشان الترويج وخلاص!

 

دلوقتي هشارك معاك شوية مقالات فعلا مفيدة، واقعية وعملية، ويكفي شهادة واحد من المتابعين:

 

“كل كلمة بتقولها تتدرس في كورسات بفلوس والله”.

 

يلا نبدأ …

 

1- ازاى تكتب محتوى خطوة بخطوة؟

 

مفيش شركة دلوقتي بتطلب ناس تشتغل في السوشيال ميديا أو في الـ SEO أو في التسويق بالمحتوى أو الإعلانات عبر الإنترنت إلا وتشترط وجود مهارة كتابة المحتوى!

 

عشان كده في المقال ده، شرحت من واقع خبرتي ازاى تكتب محتوى بطريقة مناسبة للجمهور المستهدف، وفي الوقت ذاته مناسب لطبيعة مجال البيزنس.

 

2- ازاى تعمل استراتيجية لتوزيع وترويج المحتوى خطوة بخطوة؟

 

الناس كلها بتهتم بجزء الـ Content Creation وبتنسى أو بـ تتناسي جزء الـ Content Distribution مع إن أصلا الجزء الأول مالوش لازمة من غير الجزء التاني، والعكس صحيح.

 

لو عملت محتوى حلو أوي بس محدش قراه أو ما وصلش لحد؛ يبقي ولا كأنه موجود أصلا!

 

في المقال ده هتتعلم ازاى تعمل استراتيجية توزع وتنشر بيها المحتوى بتاعك في جميع أنحاء الويب.

 

3- دول 5 غلطات بيقع فيها معظم المسوقين بالمحتوى وازاى انت ما تقعش فيها

 

على مدار +5 سنين، كنت بشوف الناس بتعمل نفس الغلطات وبترجع تشكي من إنها مش عارفة تعمل المحتوى المظبوط اللي يخلي البيزنس يتقدم.

 

في المقال ده بشرح الغلطات الخمسة وقدمت حلول عملية عشان متقعش فيها.

 

4- ازاى تكتب محتوى يقنع، يبيع (Sales Content)؟

 

مشكلة كتير من المسوقين بالمحتوى عدم قدرتهم على كتابة محتوى بهدف البيع مباشرة، فى المقال ده هتتعلم ازاى تكتب محتوى تبيع بيه من غير ما تحس إنك بتبيع.

 

5- ازاى تكتب قصة تسويقية تلم الزباين حواليك وتزود المبيعات (Storytelling)؟

 

الـ Storytelling من أكتر الأجزاء اللى الناس فى التسويق بتتكلم عليها، ولكن محدش بيقول منهج علمي/عملي المبتدئ او اي حد يمشي عليه، فى المقال ده بقدملك المنهج ده.

 

6- الدليل النهائي لعمل استراتيجية التسويق بالمحتوى

 

في المقال ده هاقولك على 9 عناصر أساسية لازم تعمل حسابها في استراتيجية التسويق بالمحتوى (Content Marketing Strategy).

 

7- ازاى تكتب محتوى أحسن من محتوى اي موقع فى مجالك فى جوجل؟

 

فى المقال ده بشرح طريقة فى التسويق بالمحتوى بتساعدك تكتب محتوى أحسن من المحتوى اللى بالفعل موجود فى جوجل.

 

الخلاصة:

 

بغض النظر عن مقاييس النجاح في مجال التسويق بالمحتوى، لانها بتختلف من شخص للتاني.

 

إنما بأي حال من الأحوال النجاح عمره ما هيجي إلا لو انت عارف و فاهم و واثق انت بتعمل ايه، وده عمره ما هيحصل إلا من خلال 3 حاجات بس، وهما:

 

1- الحصول على المعلومة الصحيحة

2- تطبيق المعلومة بطريقة صحيحة

3- التنفيذ وفقا لخطوات عملية واقعية ممنهجة مش نظرية خيالية عشوائية

 

لو عندك أي سؤال بخصوص التسويق بالمحتوى، اكتبه في تعليق تحت وهرد عليك بنفسي …

 

 

11 فكرة عن “من البداية للاحتراف فى مجال التسويق بالمحتوى: دليل كامل”

  1. بجد المحتوى اللي بتقدمه رائع و إن شاء الله واثة انه هيفدني المشكلة بس اني تايهه حضرتك قولي ابدأ بإيه ؟ بقراء الكتب و لا المقالات و لا الكورس ؟

  2. هل يمكن استخدام نفس الاستراتيجات في التسويق العادي

  3. الفرق بين التسويق بالعلاقات التسويق بالمحتوى و المحتوى التسويقي

  4. أنا intern في أحد ال startups في التسويق بالمحتوى وإنت إنسان رائع لأنك تنشر علم نافع وانا استفيد منك فعلا ، شكرا لكل حرف كتبته

شارك