fbpx

بتشتغل او نفسك تشتغل فى التسويق بالمحتوى؟ إليك الدليل النهائي لفك شفراته!

ما هو التسويق بالمحتوى؟

 

التسويق بالمحتوى (Content Marketing) عبارة عن استراتيجية تسويقية الغرض منها زيادة عدد الزبائن/العملاء بتكلفة أقل من تكلفة الإعلانات.

 

التسويق بالمحتوى يقوم على 3 عواميد أساسية:

 

1- كتابة ونشر معلومات مفيدة وذات صلة بمجال عملك، وذات صلة باهتمامات الزبائن/العملاء المحتملين باستمرار على المواقع الإلكترونية ووسائل التواصل الإجتماعي.

 

2- بناء علاقات ذات معنى – علاقات حقيقية فعلا مش لغرض التجارة – وطويلة الأمد مع العملاء/الزبائن المحتملين.

 

3- تقديم حلول عملية/تطبيقية مش نظرية عشوائية للمشاكل اللي الزبائن/العملاء المحتملين يواجهونها يوميا – مجانا.

 

إذن لتسويق اي منتج أو خدمة أيا كانت شراسة المنافسة أو صعوبة السوق، لازم تكتب معلومات مفيدة باستمرار، وتبني علاقات ذات معنى مع الزبون/العميل المحتمل، وتقدم حلول عملية تحل مشاكل حقيقية عند الزبائن/العملاء.

 

فهمت؟

 

أهمية التسويق بالمحتوى الحقيقية

 

التسويق بالمحتوى يساعد الشركات في جذب انتباه الزبون/العميل المحتمل، في زيادة عدد الـ Leads، زيادة المبيعات، اكتساب عملاء جديدة والمحافظة على العملاء القديمة وغيرها من الأهداف اللي الشركات في مصر وفى أي حتة في العالم بتجري وراها!

 

كثرة الاهداف أو النظريات بالطريقة دى بتسد الباب قصاد أي مبتدئ عايز يبدأ في التسويق بالمحتوى، وفي رأيي الضرر أكبر من النفع!

 

طب ايه الصح؟

 

هدف التسويق بالمحتوى هو 3 حاجات بس ملهاش رابع:

 

1- بناء Marketing Asset أو أصول تسويقية تعتمد عليها في عمل تسويق بشكل مستمر بدون الاضطرار لدفع فلوس اكتر في الاعلانات.

 

2- بناء Online Authority يعني كلمتك تكون مسموعة، اما تنشر محتوى أو تقول معلومة كل الناس تاخدها كمرجع أساسي، وتكون المرجع والمصدر رقم #1 في المعلومات في المجال بتاعك.

 

3- تحقيق مبيعات بتكلفة أقل من الاعلانات (اللي هو نتيجة الوصول للهدفين اللي فوق).

 

لو انت عندك مشروع أو شركة وبتقرا الكلام ده دلوقتي، يبقي لازم تعرف عن التسويق بالمحتوى هيساعدك تحقق الـ 3 حاجات دول، وأنت وأي بيزنس مش محتاج أي حاجة غيرها اصلا!

 

تعالي اشرحلك …

 

ازاى التسويق بالمحتوى يساعد الشركات في بناء Marketing Assets؟

 

التسويق بالمحتوى بيبني Marketing Assets تعيش العمر كله، مش بس مدة الحملة التسويقية زي الاعلانات، ومن غير ما تضطر تدفع فلوس كل شوية.

 

Marketing Assets يعني أصول تسويقية.

 

Assets يعني أصول يعني حاجات ملكك.

 

وعشان نقول ان الشئ الفلاني Asset لازم يتوفر فيه صفة مهمة أوي وهي انك تقدر تتحكم فيه 100%.

 

طب هو ايه تعريف Asset أصلا؟

 

“مورد له فائدة إقتصادية تملكه أو تتحكم فيه الشركة وتستطيع توليد منه الربح مستقبلا”.

 

إذن الاتجاه بتاع أي شركة لازم يتحول من كونه بيروح يستخدم موراد الغير في التسويق، لبناء الموارد الخاصة بتاعته.

 

تخيل معايا إنك عملت مثلا فيديو أو مقال عملت فيه مقارنة بين كل الحلول والمنتجات المناسبة ليك، وحطيته على الموقع بتاعك وروحت نمت، ايه اللي هيحصل؟

 

اللي هيحصل إن الفيديو ده هيفضل يعملك تسويق حتى وإنت نايم – بشرط تظبيط شوية حاجات بسيطة – ، فهمت؟

 

من الأفضل انك تبص على الإعلانات على أنها Promotional Tool الغرض منها نشر رسالتك على نطاق أوسع.

 

انت عايز تقول إن التسويق بالمحتوى بديل الإعلانات؟

 

اه طبعا.

 

بس ثواني ازاى المحتوى هيساعدني في تحقيق الأهداف اللي الإعلانات كانت بتساعدني في تحقيقها؟

 

بسيطة أوي!

 

ابني الـ Asset بتاعك.

 

التسويق بالمحتوى بيساعدك تبني Marketing Asset قيمته مابتقلش مع طول الاستخدام بالعكس دى بتزيد …

 

أكبر مثال على كده، الـ eMail Course بتاع كتابة المحتوى اللي انا عملته، واللى هو بمثابة Marketing Agency شغالة ليا نهار مع ليل من غير ما أدفع ولا مليم.

 

إذن ماينفعش تبص للمحتوى اللي أنت بتعمله على أنه مقال ولا اتنين!

 

الموضوع كأنك بتبني عمارة هتسكن فيها 100 سنة!

 

يعني لازم تكون الأساسات قوية والعمدان مسلحة كويس، ولازم طبعا تكون أكتر من دور عشان تعيش فيها أنت وأولادك.

 

طبعا في ضوء فهمك إنك بتعمل Marketing Asset، هتلاقي الأفكار والمحتوى اللي طالع منك ليه نكهة مختلفة وفعلا وفعلا محتوى يعيش سنين لقدام.

 

الخلاصة:

 

في جملة واحدة فرق الاستاذ Robert Rose بين الإعلانات والمحتوى وقال:

 

التسويق التقليدي والإعلانات بيقولوا للناس إنك جامد، بس التسويق عبر المحتوى بيوري للناس إنك فعلا جامد.

 

ازاى التسويق بالمحتوى يساعد الشركات إنها تبني Online Authority؟

 

قولنا إن التسويق بالمحتوى بيساعد أي شركة يكون كلمتها مسموعة، اما تنشر محتوى أو تقول معلومة كل الناس تاخدها كمرجع أساسي، وتكون المرجع والمصدر رقم #1 في المعلومات في المجال بتاعها.

 

عايز دليل؟

 

اكتب في جوجل جملة “كتابة المحتوى” هتلاقي الموقع اللي انت بتقرا فيه دلوقتي ظهر في النتيجة رقم #1 …

عايز تاني؟

 

مش بس كده، كون الناس بتطلب منك تعمل مواضيع تانية ده اثبات على الـ Online Authority!

 

التسويق بالمحتوى

 

وفيه مئات الشهادات اللي زي دي، وده ببساطة لاني خلال أكتر من سنة ونص، كنت بقدم محتوى مفيد ومختلف وعالي الجودة.

 

ونتيجة لده اكتسبت Online Authority من خلالها قدرت ابيع لأكتر من 500 زبون الكتب اللي بعملها.

 

طب ازاى تعمل ده؟

 

أولا حدد شريحة واحدة، شوف ايه المشاكل اللي هي عايزاها او الحاجات اللي عايز تقرا أو تتعلم عنها، وبعدين اكتب أو سجل أو صور أو ارسم محتوى عالي الجودة ومنظم وصعب الشريحة بتاعتك تلقاه عند أي حد تاني.

 

واهم حاجة انك تعمل ده باستمرار.

 

ازاى التسويق بالمحتوى يساعد الشركات في تحقيق مبيعات بتكلفة أقل من الاعلانات؟

 

في التمانينات، سيث جودين كان واحد من الـ Brand Managers فى شركة Spinnaker Software، وكان وظيفته الاساسية – حسب تعبير سيث نفسه – إنفاق ملايين الدولارات لتسويق منتجات الشركة بالاعلانات.

 

وهناك شاف إن الاعلانات مش مفيدة للشركات على المدى البعيد!

 

سيث كان بيدور على طريقة يقدر يبني بيها قاعدة جماهير، طريقة تسمح لى بتسويق المنتجات الجديدة من غير ما يدفع فلوس اضافية في الإعلانات.

 

وخلال شغله في Spinnaker ومن بعدها في مجال صناعة وتأليف الكتب ومن قبلها في شركة ياهو، شاف إن الاعلانات مش بتشتغل بالطريقة اللي الشركات بتتعامل معاها بيها وهي: ادفع اكتر، تظهر للناس اكتر، أي ناس مش مهم، المهم كل الدولة تسمع عنك.

 

سيث بعد ما صرف ملايين الدولارات في الاعلانات لتسويق منتجات شركة Spinnaker، قال الإعلانات خلت المتاجر الكبيرة تختار توزع لنا المنتجات بتاعتنا، والمنافسين يخافوا مننا لاننا صرفنا كتير.

 

وبعد دراسة لمدة 6 سنين عن ازاى الشركات بتتعامل وبتصرف على الاعلانات، سيث جودين قال فيه طريقة تخلي الإعلانات تشتغل بفعالية أعلى.

 

الطريقة دى هي الـ Permission Marketing أو التسويق بالاذن.

 

الـ Permission Marketing هو امتياز الجمهور المستهدف اداهلوك عشان تبعتلهم رسائل مفيدة وذات صلة بيهم، وهما متوقعين إنك هتعمل كده.

 

أبسط مثال هو أما اكتر من 4000 شخص سجل في الكورس المجاني اللي انا كنت عملته.

 

اللي سجل سجل وهو وعارف اني هبعتله على الايميل حاجات تسويقية وهابيع له منتجات عالية الجودة وتستاهل فلوسه ووقته.

 

الفرق بين الطريقة اللي انا عملتها، وطريقة أي حد تاني بيعمل كورسات مشابهة هي:

 

انا اخترت الناس اللي عايز ابيع لهم المنتجات بتاعتي، وتواصلت معاهم بشكل شخصي، واخدت منهم الاذن قبل ما ابيع لهم أي حاجة.

 

الاذن كان الكورس المجاني اللي عملته.

 

انا معملتش اعلانات في الشارع ولا في التلفزيون ولا في الفيسبوك حتى عشان اقول للناس تعالوا اشتروا ده حلو، إنما اخدت منهم الاذن انى ابيع لهم الاول، والاذن كان اني اقدم لهم منتج مجاني افضل من كورسات مدفوعة كتيرة في السوق.

 

فهمت المبدأ؟

 

بدل ما تطارد الزبائن المحتملين في كل مكان بمحتوى هما مش مهتمين بيه، خليهم هما يجروا وراك ويطلبوا منك تقول لهم وتعلمهم عن المنتجات والخدمات اللي بتقدمها.

 

بس الموضوع مش قلبة وقومة، الموضوع علاقة ذات معنى بتتطور يوم بعد يوم مع الجمهور المستهدف، وطريقة قياس قوة الـ Permission إنك لو اختفيت أو بطلت تتكلم، الجمهور المستهدف يجي ويتطمن عليك ويقولك ارجع ارجوك.

 

خد بالك، الـ Permission ممكن يتسحب منك في أي وقت، الموضوع مش مرة وخلاص، انت بتبني علاقة ذات معنى طويلة الأمد مع الزبائن/العملاء المحتملة.

 

محدش هيدفع انتباهه بالساهل، المنتج/الخدمة اللي بتقدمها في زيها العشرات ويمكن المئات.

 

ايه الفرق الجوهري بين التسويق بالمحتوى والتسويق بالاعلانات؟

 

الإعلانات وسيلة مهمة لتبيلغ وتوصيل رسالة المنتج/الخدمة للجمهور المستهدف بهدف التأثير على قراراهم الشرائي.

 

ولكن بمجرد ما الحملة الإعلانية بتخلص، التسويق بيقف، وعشان يكمل لازم تدفع تاني وتالت.

 

إنما التسويق بالمحتوى أداة هتساعدك تعمل تسويق مستمر، ومع الوقت التكلفة بتقل، والفايدة بتزيد.

 

التسويق بالمحتوى يعني ترافيك، Leads، مبيعات كل يوم وبتكلفة مادية أقل بكتير من الإعلانات، بس محتاجة مجهود وذكاء وخطة استراتيجية.

 

ازاى تبدأ في التسويق بالمحتوى؟

 

التسويق بالمحتوى علم صعب ومتشابك، ولكن فيه 3 مفاتيح لو قدر اي حد يتعلمها صح، الموضوع بالنسبة له هيكون سهل جدا …

1- كتابة المحتوى

 

عمود التسويق بالمحتوى هو كتابة المحتوى وده لأن كتابة المحتوى هي اداة تنفيذ كل كلمة اتقالت في المقال ده لحد دلوقتي.

 

طب ازاى تتعلمه؟

 

فيه كورسات كتير في السوق، ولكن انا بقدملك كورس – حسب رأي 98% من الناس اللي اخدته – أحسن من كورسات كتير بفلوس كتيرة في السوق، وببلاش.

 

ليه انا بعمل كده؟

 

لسببين، واحد شخصي، والتاني بيزنس بحت!

 

السبب الشخصي اني بفرح أما اساعد حد، بحقق ذاتي وبكون مبسوط وانا شايف إن اللي بعمله ليه فايدة وتاثير حقيقي في الناس.

 

والسبب اللي يخص البيزنس، اني بقدملك محتوى قيمته عالية وببلاش، عشان تجرب، ولو عجبك، هتشتري المنتجات اللي بعملها بفلوس وانت مقتنع ومجرب قبل كده.

 

مثلا اسلام شايف إن الكورس تمنه 2000 جنيه …

التسويق بالمحتوى

 

منة شايفة إن المعلومات اللي شافتها في الكورس محدش قالها ولا هيقولها عليها …

 

التسويق بالمحتوى

 

في الكورس انا مش مجرد بقدملك معلومات واسيبك، لا فيه متابعة عشان اتاكد من انك نفذت وطبقت المعلومة صح …

 

التسويق بالمحتوى

 

محمد جمال شايف إن الكورس ده 10/10 …

 

التسويق بالمحتوى

 

هشام عمر بيتكلم عن مدى احترافية ومستوى الكورس …

 

التسويق بالمحتوى

 

وفيه أكتر من 130 شهادة وتعليق على الكورس يوضحوا ازاى الكورس كان مفيد جدا، وازاى قيمته عالية سواء على مستوى المادة العلمية أو القيمة المادية، وازاى ساعد ناس كتير تعالج مشاكل كتيرة كانت بتواجهها ومش لاقيه حلول عملية ليها.

 

اكتب ايميلك، اسمك الاول، روقم الموبايل عشان تاخد كورس كتابة المحتوى خطوة بخطوة مجانا.


 

الكورس هيكون مجانا من خلال الايميل، كل يوم الساعة 10 بالليل هيوصل الانبوكس بتاعك ايميل فيه درس أو شرح أو حدوتة عن خطوة من الخطوات اللي لازم تمشي عليها لو عايز تعمل محتوى عالي الجودة.

 

2- استراتيجية التسويق بالمحتوى

 

هل ينفع تشتغل من غير استراتيجية تقولك تعمل ايه وماتعملش ايه؟

 

أكيد لا.

 

مفيش حاجة أسوا من إنك تكون بتشتغل وانت ماعندكش فكرة اللي بتعمله ده صح ولا غلط.

 

عشان كده عملت لك دليل مجاني دسم من خلاله هتقدر تعمل وتكتب استراتيجية كامل للتسويق بالمحتوى.

 

ودى شوية حاجات هتطلع بيها من الدليل ده:

  • 7 طرق تعمل بيها أبحاث السوق (Market Research) لمعرفة وتحديد وفهم الزبون/العميل المستهدف.

 

  • 5 طرق لمعرفة الـ Positioning بتاع المنافسين، لإكتشاف أو تصحيح الـ Positioning بتاع شركتك + 3 أمور لقياس أداء وجهود التسويق بالمحتوى بتاعت المنافس.

 

  • ازاى تبنى Content Funnel عشان تجذب، تقنع، وتخلي الزبون/العميل يشتري المنتجات أو الخدمات اللي انت بتقدمها.

 

  • ازاى تجيب أفكار حلوة للمحتوى، وتنظمها في Editorial Calendar لضمان إن المحتوى مايخلصش منك.

  

دوس هنا لقراءة الدليل اللي هتطلع منه عارف ازاى تعمل استراتيجية للتسويق بالمحتوى

 

3- حلول تسويقية لكافة المشاكل والتحديات اللي ممكن تقابلها في البيزنس

 

في رأيي الشخصي إن قيمة أي مسوق في السوق بتحدد حسب قدراته ومهاراته على حل المشكلات والتحديات اللي بيقع فيها أي بيزنس زي قلة الميزانية أو قلة التيم أو عدم توفر الوقت أو تحديد الزبون المستهدف بدقة أو توصيل ميزات المنتج/الخدمة بشكل صحيح للجمهور أو تكسب المنافسين حتى لو هما جامدين وغيرها كتير …

 

طب ازاى المسوق يقدر يعمل كده؟

 

أولا عن طريق إنه يحدد المشكلة والجوهر بتاعها.

 

ثانيا عن طريق إنه يكون عنده حلول كافية ومتنوعة للمشكلة دى.

 

ثالثا يكون قادر على تطبيق الحلول دى بكفاءة عالية.

 

طب ازاى توصل لكل ده حتى لو انت مبتدئ لسه وماعندكش خبرة واسعة في المجال وازاى تحترف وتفهم كل حاجة فى مجال التسويق بالمحتوى بشكل عملي/علمي.

معلومات ونصائح وخطوات تطبيقية عملية منظمة مش نظرية عشوائية غير منظمة، معلومة من هنا على معلومة من هناك!

 

كل ده هتلاقيه فى كتاب Content Marketing Principles.

التصنيفات: Content Marketing

22 تعليقات

خالد عيسي · 2019-02-07 في 10:54 م

اسلوبك شيق جدا يا استاذ أسامة وبتشرف اني بتواصل مع حضرتك وبتشوف شغلي وبتديني نصايح

    Osama Salah · 2019-02-09 في 6:10 م

    أشكرك جدا استاذ خالد ^^

Mohamed Gamal · 2019-02-08 في 6:52 م

اسلوب سلس وشيق بقالي حوالي 4 ساعات متواصلة بقرأ في المقالات ومش حاسس بأي ملل

    Osama Salah · 2019-02-08 في 7:45 م

    أشكرك ^^

Ali Saed · 2019-02-11 في 7:00 ص

انت بجد رائع ومعلومات قيمة جدا جدا

    Osama Salah · 2019-02-11 في 7:50 ص

    أشكرك جدا جدا يا علي ^^

Ahmed M Mohamed · 2019-02-11 في 10:52 ص

شرح مبسط للمقال
وبتتكلم بسلاسة ويسر ..كتر خيرك على تعبك ومجهودك ..احسنت

    Osama Salah · 2019-02-11 في 8:02 م

    أشكرك جدا ^^

Mai AbdUllah · 2019-02-18 في 2:49 م

ماشاء كمية المعلومات كبيرة جدا، وأعظم حاجة أن حضرتك كل نقطة أتكلمت عنها شرحتها بالتفصيل .

    Osama Salah · 2019-02-19 في 6:58 م

    أشكرك جدا يا مي، فيدباك رائع ^^

Ahmed mortada · 2019-03-13 في 3:37 م

شاطر انت يا اسامه ما شاء الله عاوز اقابلك

    Osama Salah · 2019-03-14 في 6:42 ص

    أشكرك جدا يا احمد، على الرحب والسعة، ممكن نتفق على الايميل osama@osamasalah.com

    تحياتي ^^

احمد مرتضى · 2019-03-13 في 3:38 م

شاطر يا اسامه ما شاء الله عاوز اقابلك نتكلم شويه

    Osama Salah · 2019-03-14 في 6:42 ص

    أشكرك جدا يا احمد، على الرحب والسعة، ممكن نتفق على الايميل osama@osamasalah.com

ahmad muhammad · 2019-05-12 في 3:23 م

مفيش خصومات قريبا علي كتاب المحتوى بما اننا لسة بادئين حياتنا فى المجال

    Osama Salah · 2019-05-12 في 5:16 م

    ابعت لى على الايميل ده osama@osamasalah.com

    انت عايز الكتاب ليه؟ ومستعد وتقدر تدفع قد ايه؟

aisha · 2019-08-04 في 5:15 م

شكرا جدا

    Osama Salah · 2019-08-04 في 6:02 م

    على الرحب والسعة

Nada · 2019-08-28 في 4:35 م

شكرا جزيلا لك على مجهوداتك لنا
الحقيقه حضرتك مشجع جدا
دي اول مره اعمل تعليق واسأل
عايزه اعمل تسويق صح واعمل leads وافهم الإعلانات المموله بطريقه صحيحه وأهم حاجه التطبيق مش ببقى عارفه انا كدا صح ولا لا

    Osama Salah · 2019-09-07 في 11:16 ص

    على الرحب والسعة يا ندي ^^

    طب كويس، ايه الخطوات اللى اخدتيها عشان تعملي اللى قلتي عليه؟!

Aisha kobali · 2019-11-24 في 3:52 ص

اسلوب حضرتك شيق وممتع جداااا وسلس حقيقى ، ربنا يكرمك

    Osama Salah · 2019-11-30 في 10:10 م

    أشكرك جدا ^^

اسال او استفسر او قول رايك ...

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.