الـ Copywriting.

 

الكلمة اللي بتمثل لغز كبير عند عدد مش قليل من الناس في مجال التسويق في مصر!

 

النهاردة هقولك يعني ايه Copywriting بالظبط، وازاى تستخدم العلم ده في بيع أي منتج أو خدمة.

 

وهقولك ازاى تطور المهارة دى عندك لو انت شغال في التسويق بالمحتوى، أو التسويق من خلال وسائل التواصل الإجتماعي.

 

وهقولك ازاى تستخدم الـ Copywriting في بيع المنتجات والخدمات اللي بتقدمها لو أنت صاحب بيزنس وعايز تعمل التسويق بنفسك.

 

يلا بينا …

 

الـ Copywriting زمان ودلوقتي

 

الـ Copywriting زمان – ما قبل الإنترنت – كانت عبارة عن اعلانات في المجلات والصحف، اعلانات في الشارع (Billboards)، اسكربت اعلانات للتلفزيون والراديو.

 

إنما دلوقتي الوضع مختلف!

 

فيه انترنت.

 

يعنى فيه وسائط أو قنوات تسويقية جديدة.

 

وبالتالي دخلنا حقبة جديدة من تاريخ الـ Copywriting.

 

الـ Copywriting دلوقتي بقي عبارة عن إعلانات في المواقع الإلكترونية، وسائل التواصل الإجتماعي، محركات البحث، الإيميل، تطبيقات الموبايل، الموبايل نفسه، وكل شئ له صلة بالإنترنت.

 

ايوة يعني الـ Copywriting هي الإعلانات؟!

 

لا!

 

المعني الحقيقي وراء الـ Copywriting

 

عشان تعرف معنى الـ Copywriting، لازم تحدد المنظور اللي بتبص منه …

 

  • لو انت بتبص لها على إنها شغلانة!

 

انت الشخص اللي بيكتب إعلانات التلفزيون والراديو والـ Billboards، والـ Brochures لو شغال اوفلاين.

 

وانت الشخص اللي بيكتب محتوى صفحات الموقع الإلكتروني، والـ Sales Page، وصفحات الهبوط، والـ Email Funnel واي Sales Content، ومحتوى إعلان جوجل – ادوردز – والفيسبوك، و Product Descriptions داخل مواقع التجارة الإلكترونية.

 

انت شغلك موجود في وكالات التسويق والإعلانات أو في شركات خاصة أو فرى لانسر، ودايما صحابك بيكونوا مصممين جرافيك، ومخرجين وفنيين، ومبدعين.

 

انت ليل مع نهار بتتفرج على إعلانات بمختلف أشكالها.

 

  • طب لو انت بتبص لها على إنها مهارة!

 

الـ Copywriting بالنسبة لك كتابة عناوين جذابة، وعبارات تنتشر بين الجماهير، وكتابة CTAs قوية.

 

لازم تكون فاهم سيكولوجية الزبون، وفاهم ازاى تعبر عن رغباته أو ألامه فى عنوان، وازاى ترتب الكلام بطريقة تخلي اللى بيقرا حاسس إن الكلام ليه مخصوص.

 

  • لو بتبص لها من أي حتة!

 

الغرض من الـ Copywriting هو تحريك الناس للقيام بأفعال معينة زى الشراء، أو تنزيل كتاب، أو الضغط على لينك، أو مشاهدة فيديو، أو أي فعل يتطلب من الناس تفكير وتنفيذ.

 

أي كان المنتج/الخدمة، واي كان الوسط (فيسبوك، ويب سايت، ايميل …)، دورك إنك تخلي أكبر عدد ممكن يشتري.

 

الـ Copywriting مزيج من علم التسويق، علم الكتابة، علم النفس المختص بكيفية اتخاذ البشر القرار، علم المبيعات مع شوية ابداع.

 

طيب ده كده الكلام النظري والتوعي اللازم عن الموضوع، فين بقي التطبيق والتنفيذ.

 

3 أساسيات لكتابة أي محتوى يبيع (Piece of Copywriting)

 

لما تيجي تكتب أي Copy، سواء Sales Page أو Sales Email أو Sales Post أو أي حاجة ليها علاقة بالـ Copywriting، امشي على النصائح دي.

 

1- الزبون

 

لو معايا 10 دقائق عشان اكتب محتوى، هاخد 8 دقائق اجهز للكتابة، و دقيقتين بس عشان اكتب.

 

اللي اقصده ان قبل تكتب أو تفكر أو تحاول تجيب أي فكرة ابداعية وخلاص، اعمل شغلك صح!

 

خطط.

 

يعني ايه؟

 

حدد الفئة المستهدفة، وادرسها كوريش عشان تعرف المشاكل اللي بيعانوا منها، والحلول اللي جربوها، و أهدافهم وأحلامهم ومخاوفهم واحباطاتهم.

 

عشان تستخدم المعلومات دي في كتابة الـ Copy بتاعتك، وعشان تقدر تطلع بـ Concept تبني كل حاجة عليه.

 

بتوصل للمعلومات دي عن طريق الـ Surveys المعتمدة على الـ Qualitative مش الـ Quantitative يعني بتطلع بقصص وحكايات، مش بأرقام.

 

ومن خلال وسائل التواصل الإجتماعي، ومن خلال تعليقات الناس عندك وعند المنافسين وفى الجروبات والمنتديات المشاركين فيها ومن الانترنت ومن جوجل ومن أمازون.

 

2- المنتج

 

لو انت مش عارف المنتج بتاعك كويس، ماتتوقعش من إن الزبون المحتمل يشتري!

 

ولو الزبون ماشتراش يبقى بنسبة كبيرة أنت إما نسيت تقول كلام هو كان عايز يسمعه، أو قولت الكلام اللي عايز يسمعه بطريقة غلط أو هو من الأساس مش مستهدف.

 

 

المهم إنك تدرس المنتج وتفصصه كويس اوى، عشان تعرف ميزاته، وتحويلها لفوائد.

 

 

بدل ما تقول 1 جيجا مساحة تخزين، قول 1000 أغنية في جيبك.

 

شايف الفرق؟

 

اللي حصل إن بدل الـ Features، اتقال الـ Benefits، أو بلغة بتوع الـ Copywriting حصل Demonstration للمنتج، يعني الناس قدرت تستوعب وتشوف المنتج وهو شغال من قبل ما تمسكه في ايدها اصلا.

 

3- الكلام

 

بعد ما بتذاكر الجمهور المستهدف، وبتذاكر المنتج، وبتجيب الـ Concept أو الفكرة اللي هشتتغل عليها بيكون ناقص لك الكلام …

 

الكلام اللي هتقوله فتجذب انتباه الناس لأن مشاكلهم ورغباتهم، الحل بتاعها موجود في المنتج بتاعك.

 

لو قبل ما تكتب حرف، فكرت في الزبون، المنتج، الكلام اللي هيتقال، الباقي هيكون سهل اوى.

 

الباقي بيكون طريقة الصياغة والتأليف والعرض النهائي للكلام وده بيختلف حسب الوسط اللي هيتعرض فيه وحسب إبداع حضرتك.

 

الموضوع مش مجرد Copy ولا حملة وخلاص، الموضوع عبارة عن تسويق مستمر، الاستمرارية في فعل وتحسين الل قلت عليه هو اللي هيعمل فرق، غير كده موعدكش ان أي حاجة هتجيب معاك نتيجة.

 

الموضوع مش ضربة واحدة، الموضوع شوية ضربات مع بعض.

 

طب يا عم أسامة يا صلاح عندك اي نصائح تانية تساعدني أكتب Copy بشكل أفضل؟

 

ركز معايا …

 

12 نصيحة عملية عشان تكتب كلام يبيع بشكل أفضل

 

1- دايما قدم Value حتى وانت بتبيع (أو بالذات وانت بتبيع).

 

2- استخدم كلمات سهلة، واضحة، بسيطة، وخليك فاكر الكلمات الكبيرة المجعلصة دليل على إنك مش فاهم!

 

3- الـ Copy القصيرة ليها دورها ومميزاتها عن الـ Copy الطويلة، ولكن التفاصيل بتبيع أكتر.

 

4- احكي قصص ليها علاقة بالمنتج أو بالزبون أو حتى بيك شخصيا، المهم تحكي قصص وتربطها بالمنتج/الخدمة بتاعتك (الدحيح بيعمل كده دايما)

 

5- خد وقتك في كتابة العنوان، بس بعد ما تكتبه اسال نفسك هل الناس شافت أو سمعت العنوان ده قبل كده ولا لا؟ وعدل طبقا للإجابة.

 

6- الـ Copy الوحشة علامة على إنك ما عملتش Research كويس أو بشكل كافي.

 

7- اكتب وكانك بتتكلم مع صديقك (Aka: الزبون المحتمل) في قاعدة ودية تماما، بتحاول فيها إنك تنصحه إنه ياخد قرار في مصلحته.

 

8- استخدام الكلمات والجمل اللي بيستخدمها الجمهور المستهدف في وصف مشاكله ورغباته.

 

9- نجاح أي Copy بيتحدد بالمبيعات اللي بيحققها، وبس كده.

 

10- العب على حتة إحنا وهما، الناجحين، والخاسرين، اللي بيحققوا نتائج واللى مش بيحققوا، يعني من الاخر وريهم جنتك في مقابل نار الآخرين.

 

11- اكتب Call to Action مباشر وصريح.

 

12- اتعلم حاجات جديدة، وطور القديم اللي عندك – باستمرار وبأي تكلفة.

 

ازاى تبقى Copywriter أو تستخدم الـ Copywriting في بيع أي منتج/خدمة؟

 

السؤال مجاوب نفسه.

 

اتعلم تكتب Sales Page، صفحات الهبوط، Email Funnel، محتوى إعلان جوجل ادوردز، اعلان الفيسبوك، والـ Product Descriptions داخل مواقع التجارة الإلكترونية.

 

اتعلم تكتب محتوى الغرض منه إن الناس تقوم بأفعال معينة زي الضغط على اللينك، مشاهدة الفيديو، الدخول على الويب سايت، تنزيل الكتاب الخ …

 

طب ازاى تتعلم الحاجات دي؟

 

1- مع نفسك

 

خد الكلمات الموجودة هنا في المقال ده، وروح دور واقرا كتب واسمع فيديوهات وجرب مرة واتنين وعشرة لحد ما الموضوع يثبت في دماغك.

 

2- انا ممكن اساعدك

 

أقدم لك كورس The Next Level …

 

بعد الكورس ده هتكون قادر على كتابة محتوى يبيع، زي:

 

  • Blog Posts
  • Sales Page
  • Long Form Content
  • Email Funnels
  • Landing Page Opt-in Pages
  • Facebook Content
  • Short Content

 

مع الكورس كمان فيه 5 بونص مجانا.

 

كل تفاصيل الكورس، وبالظبط بالظبط هتستفيد ايه منه، هتلاقيها لما تدوس هنا

 

الكورس فرصة كويسة ليك عشان تطور مستواك في كتابة المحتوى، وتبني وتكبر البيزنس باستخدام المحتوى (ترافيك، Leads، و Customers).

 

اقرأ تفاصيل الكورس بهدوء، لو حسيت إنك هتستفيد، اشترك فورا.

 

لينك الكورس

 

التصنيفات: Content Marketing

0 تعليق

اسال او استفسر او قول رايك ...

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.